ԱՄՆ-ն պատժամիջոցներ է սահմանել Մոհամադ Ջավադ Զարիֆի նկատմամբ
Reuters գործակալությունը՝ ԱՄՆ ֆինանսների նախարարության պաշտոնական կայքին հղումով գրում է ,որ ԱՄՆ-ն պատժամիջոցների ցանկում է ներառել Իրանի արտգործնախարար Մոհամադ Ջավադ Զարիֆին:
«Ջավադ Զարիֆն իրականացնում է Իրանի գերագույն հոգևոր առաջնորդի անխոհեմ քաղաքականությունը և ամբողջ աշխարհում վարչակարգի հիմնական ներկայացուցիչն է: ԱՄՆ-ն հստակ ազդանշան է հղում իրանական վարչակարգին այն մասին, որ վերջերս այդ երկրի դրսևորած պահվածքն անընդունելի է»,- հայտարարել է ԱՄՆ ֆինանսների նախարար Սթիվեն Մնուչինը:
Դ նշանակում է, որ Ջավադ Զարիֆի ակտիվներն ԱՄՆ-ում կսառեցվեն, իսկ Միացյալ Նահանգների քաղաքացիներին և ամերիկյան ընկերություններին կարգելվի նրա ներգրավմամբ բիզնես վարել, միևնույն ժամանակ հայտնի չէ՝ արդյոք արտգործնախարարն ԱՄՆ-ում ակտիվներ ունի: Նախարարն ինքը հերքում է նման վարկածը:
Վաշինգտոնն այլևս Իրանի արտգործնախարարին երկխոսության առումով առաջնային պաշտոնյա չի համարում:
Հետևեք մեզ Viber-ում
