Մի խոսքով` վերադարձ դեպի սովետ

Այսուհետ միջազգային որևէ պայմանագրի կնքումը  երրորդ երկրների հետ` Հայաստանը պետք է համաձայնեցնի Եվրասիական տնտեսական միության կազմում ընդգրկված պետությունների հետ: Կառավարության այսօրվա նիստում ընդգրկված է  «Երրորդ պետությունների, միջազգային կազմակերպությունների կամ միջազգային ինտեգրացիոն միավորումների հետ՝ Եվրասիական տնտեսական միության միջազգային պայմանագրերի մասին» համաձայնագիրը վավերացնելու հարցը: 

Դրանով նախատեսվում է, որ երրորդ պետությունների հետ միջազգային պայմանագրերի կնքման հարցը պետք է քննարկվի ԵԱՏՄ հանձնաժողովի նսիտում, որտեղ կարող է ընդունվել որոշում` ստեղծել հատուկ հանձնաժողով, որը կքննի պայմանագրի կնքման նպատակահարմարությունը:
Այս համատեքստում պետք է քննարկվի` անդամ երկրների առևտրային շահերը որքանով են համադրելի միջազգային պայմանագրին: Ինչ հնարավոր հետևանք է թողնում պայմանագիրը անդամ որևէ  երկրի տնտեսության կառուցվածքի վրա: Ըստ այդմ` ստացվում է, որ եթե այդ պայմանագրից որևէ անդամ երկիր տնտեսական վնաս է կրելու, կնշանակի այդ կորուստը կամ պետք է փոխհատուցվի կնքող երկրի կողմից, կամ էլ միջազգային պայմանգիրը պետք է մերժվի:  Միջազգայաին պայմանագրի բնօրինակն անգամ հանձնվում է ԵԱՏՄ հանձնաժողովին:
Սա փաստացի հենց այն համաձայնագիրն է, որի ազդեցությամբ և հետևանքով գալիք տարի բարձրացվելու է նաև նեմուծվող մեքենաների  մաքսային վճարը: Այսինքն` քանի որ երրորդ երկրից Հայաստան ներկվող մեքենաները վնասում են ԵԱՏՄ անդամ երկրների տնտեսական շահերին, մաքսատուրքը պետք է բարձրանա` հավասարվելուվ  ԵԱՏՄ միասնական դրույքաչափին:
Փաստորեն, սա նշանակում է իսպառ հրաժեշտ տալ անդամ-պետությունների տնտեսական ազատությանն ու անկախությանը: Մի խոսքով` վերադարձ դեպի սովետ....

Այսուհետ կվարենք միայն  Ժիգուլի, Լադա և Նիվա, բեռներն էլ կտեղափոխենք Բելոռուսով:

Հայկ Դավթյան