Մի հետաքրքիր փաստ կա, որից անտեղյակ է մեր հասարակությունը
Հրապարկը գրում է. Իշխանությունների հատուկ նշանառության տակ հայտնված Հրայր Թովմասյանը կարծես չի ցանկանում հանձնվել և առանձնապես չի էլ նյարդայանանում գործընթացներից։ Քանի որ իշխանությունների համար ակնհայտ է, որ իրավական ճանապարհ չկա Թովմասյանին տեղաշարժելու համար, ամբողջ իշխանական ճամբարը հարձակում է գործել, փորձելով անձնական ճնշման տակ պահել նրան՝ ստիպելով հրաժարական տալ։ Հետաքրքիր է, որ շատերը Թովմասյանին մեղադրում են այն բանի մեջ, որ նա Սերժ Սարգսյանի պատվերով և հենց նրա «հագով» է կարել պառլամենտական երկրի Սահմանադրությունը։ Բայց մի հետաքրքիր փաստ կա, որից անտեղյակ է մեր հասարակությունը:
Պարզվում է Թովմասյանը դեռևս 2005 թվականին առաջարկել էր պառլամենտական կառավարման ձևի սահմանադրական նախագիծ, ինչը նշանակում է, որ պառլամենտական կառավարման միտքը անսպասելի չի ծագել 2014-2015թվականին, իսկ դրա մասին առաջին անգամ Հրայր Թովմասյանը խոսել էր դեռևս 1997 թվականին։ Փաստորեն իշխանությունների այս փաստարկն էլ հիմնազուրկ է, քանի որ նախ Թովմասյանը միայնակ չի գրել սահմանադրությունը, այլ իրավաբաններից կազմված մեծ խմբով, երկրորդն էլ պառլամենտական սահմանդրության նախագիծ գրել է դեռևս 2005թվականին որպես փորձագետ:
Հետևեք մեզ Viber-ում
