ԿԽՄԿ-ն պատրաստ է հետ վերադարձնել հայ զինվորի դին

Լեռնային Ղարաբաղի Հանրապետության գերիների, պատանդների ու անհայտ կորածների հարցերով պետական հանձնաժողովի նախագահ Վիկտոր Քոչարյանը հանդիպել է Կամիր Խաչի միջազգային կազմակերպության ներկայացուցիչներին: «ԿԽՄԿ ներկայացուցիչներն իրենց պատրաստակամությունը հայտնեցին օգնելու` հետ վերադարձնել ադրբեջանական կողմի մոտ գտնվող հայ զինվորի դին»,- «Արմենպրես»-ի հետ զրույցում նշեց Քոչարյանը` ավելացնելով, որ զինվորի ինքնությունը պարզ կդառնա միայն նրա դին հետ վերադարձնելուց` դատաբշժկական փորձաքննությունից հետո: Սպասվում է, որ ադրբեջանական կողմը հայ զինվորի դին հետ է վերադարձնելու հունվարի 20-ին` ժամը 15:00-ին: Հայկական կողմից անհետ կորած է համարվում 23-ամյա կապիտան, վաշտի հրամանատար Արգիշտի Գաբոյանը: