Արտակարգ իրավիճակ. վարորդներն ահը սրտներին են երթևեկում

Արդեն մեկ ժամ է Երևան-Սևան-Իջևան ավտոճանապարհի Ծովագյուղից դեպի Դիլիջանի թունել տանող ճանապարհահատվածում սարից հսկա քարերի և հողաշերտի փլուզում է սկսվել։ SHAMSHYAN.com-ի թղթակիցը տեղից հայտնում է, որ սարից հողն ու քարերը թափվում ու լցվում են ճանապարհի վրա։ Տեղում են միայն ճանապարհաշինարարները, ովքեր վարորդներին հորդորում են նշված հատվածով զգուշավորությամբ երթևեկեն։ Կատարվածի մասին արդեն տեղեկացվել է Ճանապարհային ոստիկանության 1-77 օպերատիվ կառավարման կենտրոն, որպեսզի դեպքի վայր ժամանեն ճանապարհային ոստիկանները։ Արդեն դեպքի վայր են ժամանել Ճանապարհային ոստիկանության 2-րդ սպայական գումարտակի 4-րդ վաշտի 1-ին դասակի ծառայողները՝ վաշտի հրամանատար Էդգար Սուսլիյանի գլխավորությամբ։ Ժամանել է նաև ՃՈ 2-րդ սպայական գումարտակի հրամանատարի տեղակալ Հայկ Դավթյանը։