Փաշինյանն ուզում է ծառահատումների ապօրինի բիզնեսը մեկի ձեռքից վերցնել, դարձնել իրենը. Զարուհի Փոստանջյան (video)

Նիկոլ Փաշինյանը 1 տարի 9 ամիս եղել է Կոշ քրեակատարողական հիմնարկում, որտեղ դրսևորել է գործ տվողի վարքագիծ: Իսկ հետո իր հովանավորը՝ Սերժ Սարգսյանը, նրան տեղափոխել է «Արթիկ» քրեակատարողական հիմնարկ, հատուկ պայմաններ է ստեղծել, որպեսզի նա շփում չունենա ուրիշ կալանավորների հետ։ Հատուկ պայմանների ներքո, հետագայում գործարքի միջոցով նա դուրս է եկել «Արթիկ» քրեակատարողական հիմնարկից։ Այս մասին լրագրողների հետ զրույցում հայտարարեց Զարուհի Փոստանջյանը՝ նշելով, որ Նիկոլ Փաշինյանը բանտից պետք է դուրս գար 3,5 տարի անց, որովհետև միայն 3,5 տարի պատիժը կրելուց հետո կարող էր կիրառվել համաներումն իր նկատմամբ․ «Բայց նա նստել է ընդամենը 1 տարի 9 ամիս»։