Ինչ է փոխվել մեկ շաբաթում, ինչու է ԿԲ-ն դեմ գնացել կառավարությանը

Անցյալ շաբաթվա կառավարության նիստում հավանություն տրվեց ֆիզիկական անձանց բանկային ավանդների երաշխավորված գումարի շեմը բարձրացնելու վերաբերյալ նախագծին: Դրանով նախատեսվում է 2 մլն դրամով բարձրացնել: Դրանով առաջարկվում էր «Ֆիզիկական անձանց բանկային ավանդների հատուցումը երաշխավորելու մասին» ՀՀ օրենքում փոփոխություն կատարել և երաշխավորված ավանդի գործող սահմանաչափերը երկու անգամ բարձրացնել: Առաջարկ ներկայացվել էր կառավարության կողմից դոլարիզացիայի դեմ պայքարի համատեքստում` ՀՀ դրամով երաշխավորված ավանդների սահմանաչափի ավելացնելով 2 միլիոն ՀՀ դրամի չափով:

Եվ ահա որոշման ընդունումից մեկ շաբաթ անց Կենտրոնական բանկը մտափոխվել է և որոշել է ներկայացնել մեկ այլ նախագիծ, նախորդ նախգծի ընդունման ոչ նպատակահարմարության մասին. «Այդուհանդերձ սահմանաչափի փոփոխումն այս պահին նպատակահրմար չենք համարում»,- նշված է նոր նախագշի հիմնավորման մեջ:
«Գործող սահմանաչափերի ցանկացած, այդ թվում՝ Նախագծով առաջարկվող փոփոխության անհրաժեշտությունը պետք է հիմնավորվի մի շարք հաշվարկներով և վերլուծություններով, որոնք իրականացվում են առնվազն հինգ տարին մեկ անգամ: Ընդ որում, նշված ժամանակահատվածում վերանայման պահանջը բխում է «Ֆիզիկական անձանց բանկային ավանդների հատուցումը երաշխավորելու մասին» Հայաստանի Հան-րապետության օրենքի 19-րդ հոդվածից: Նշված ժամանակահատվածը սահմանելն ինքնանպատակ չէ այն առումով, որ այն հնարավորություն է տալիս ավանդային շուկայի ծավալների հնարավոր փոփոխության պայմաններում գնահատել երաշխավորված սահմանաչափերի փոփոխման անհրաժեշտությունը»,- նշվում է ԿԲ հիմնավորման մեջ:
Կենտրոնական բանկը նաև ուշադրությունն է հրավիրում այն հանգամանքի վրա, որ 2020 թվականին նախատեսվում է իրականացնել համապարփակ վերլուծություն՝ երաշխա-վորված ավանդների սահմանաչափերի, այդ թվում՝ առաջարկվող չափով վերանայման նպատակահարմարության գնահատման համար՝ հիմքում դնելով այնպիսի չափորոշիչներ, ինչպիսիք են երաշխավորված ավանդի առավելագույն չափի և մեկ շնչին ընկնող ՀՆԱ հարաբերակցությունը, բանկային համակարգում երաշխավորված ավանդ ունեցող ավանդատուների ընդհանուր թվի մեջ երաշխավորված ավանդի չափը գերազանցող ավանդատուների թվի կշիռը, Հայաստանի Հանրապետության բանկային համակարգում ֆիզիկական անձանց բանկային ավանդների ընդհանուր գումարի մեջ երաշխավորված ավանդների գումարի կշիռը, ինչպես նաև երաշխավորված ավանդի սահմանաչափերի հաշվարկման նպատակով կիրառվող միջազգայնորեն ընդունված այլ ցուցանիշներ։
«Հաշվի առնելով, որ 2020 թվականին նախատեսվում է իրականացնել երաշխավորված ավանդի չափի վերանայման գործընթաց, առաջարկում ենք ներկայումս ձեռնպահ մնալ սահմանաչափերը փոփոխելուց»,- կառավրությանը հիմնավորել է Կենտրոնական բանկը:

Ասվածի մեջ, անշուշտ, տրամբանություն կա, սակայն անհասկանալի է, թե ինչպես էր նախորդ որոշումն ընդհանրապես հաստատվել: Ինչ է, մի շաբաթ առաջ չգիտեի՞ ն, որ 2020-ին համալիր վերլուծություն է արվելու: Կարծես թե աջ ձեռքը չգիտի, թե ինչ է անում ձախ ձեռքը:

Հայկ Դավթյան