Հանցավոր իշխանությունը մեզնից չի կարող ձայներ տանել .Փաշինյան

«Քաղաքացիական պայմանագիր» կուսկացության անդամ, Հրազդանի քաղաքապետու թեկնածու Սասուն Միքայելյանի նախընտրական շտաբի պետ Նիկոլ Փաշինյանը  Հրազդանում լրագրողների հետ հանդիպմանը հայտարարեց .«Եթե նկատել եք, մենք ավելի շատ կենտրոնանում ենք ոչ թե՝ թե ինչ է արել իշխանությունը և ինչ չի անում , մենք ուզում ենք ավելի շատ կենտրոնանալ նրա վրա, թե ինչ ենք անում մենք և ինչ պետք է անենք»: Իրենք պետք է շարունակեն իրենց գործունեությունը հետևյալ երկու ուղղություններով,կարծում է Փաշինյանը . «Մենք պետք է ամրապնդենք մեր օգտին քվեարկած քաղաքացիների վստահություն և մեր գործունեությամբ պետք է խնդիր դնենք ավելի հասկանաալի և հասանելի լինել այն քաղաքացիներին, ովքեր մեր օգտին որևէ պատճառով չեն քեարկել, թեկուզ փողի:Այս ընտրական պրոցեսի արդյունքում որևէ հրազդանցի չի կարող ասել, որ ես ձեզ քվեարկեցի, դուք չկարողացաք պահել մեր քվեները: Ես սա համարում եմ մեր այսօրվա հանգրվանի ամենակարևոր եզրակացությունը»: Հարցին՝ դուք ասում եք, որ Սասուն Միքայելյանի ձայները պահել եք, եթե այդ ձայնը տեղամասից դուրս է գողացվել՝ ընտրակաշառքի և ահաբեկելու միջոցով, արդեն չե՞ք համարում, որ դրանք պարոն Միքայելյանի պոտենցիալ ձայներն էին,Ն. Փաշինյանն այսպես պատասխանեց. «Մենք ապահովել ենք, որ տեղի ունենա փակ, գաղտնի քվեարկություն, քաղաքացին եկել է տեղամաս, տեղասում մենք ապահովել ենք իր քվեարկության գաղտնիությունը: Այս քաղաքացին ընտրական տեղամաս մտնելու պահից ազատ էր իր ընտրության մեջ: «Քաղաքացիական պայմանագիր» կուսակցությունը ապացուցել է, որ ինքը կարողանում է պահել ձայները,համոզված է Փաշինյանը: Ա.Ավագյան