Հրազդանում քվեարկել է ընտրողների գրեթե 40 տոկոսը
Հրազդանի քաղաքապետի ընտրություններին, ժամը 14-ի դրությամբ 44320 ընտրողից քվեարկել է 17300-ը, որը կազմում է ընտրողների գրեթե 40 տոկոսը: Նշենք, որ Կոտայքի, Արարատի, Արագածոտնի, Արմավիրի, Գեղարքունիքի, Լոռու, Սյունիքի եւ Վայոց ձորի մարզերում այսօր՝ ապրիլի 17-ին, վաղ առավոտից ընթանում են տեղական ինքնակառավարման մարմինների ընտրություններ: Հրազդանում քաղաքապետի պաշտոնի համար պայքարում են գործող քաղաքապետ, ՀՀԿ-ական Արամ Դանիելյանը, «Քաղաքացիական պայմանագիր» կուսակցության վարչության անդամ, Սասուն ջոկատի հրամանատար Սասուն Միքայելյանը, եւ «Հայկական Վերածնունդ» կուսակցության կառավարման խորհրդի անդամ Արթուր Միսակյանը:
Հետևեք մեզ Viber-ում
