Սպառազինությունների նոր մրցավազք է սկսվում

ԱՄՆ-ը, Ռուսաստանը եւ Չինաստանը կարող են սպառազինության նոր մրցավազքի մասնակիցներ դառնալ։ Նման տեսակետ է արտահայտել հեղինակավոր The New York Times թերթը՝ նշելով, որ իրադարձությունների նման զարգացման մասին կարո է վկայել Վաշինգթոնի, Մոսկվայի եւ Պեկինի ակտիվ աշխատանքն ուղղված միջուկային մարտագլխիկների արդիականացմանը, որոնք ավելի թույլ են դառնում իրենց ավերիչ ուժով, փոքրանում են չափերով։ NYT-ի տվյալներով, ուժի նման կուտակումը սպառնում է սառը պատերազմի ժամանակների սպառազինությունների մրցավազքի վերածնմամբ եւ այդ երկրների միջեւ հավասարակշռության խախտմամբ, որը թույլ էր տվել կանխել միջուկային հակամարտությունները ավելի քան կես դար»։ «Խոշոր հաշվով, խոսքը հին մոտեցումների մասին է, որոնք կիրառվում են նոր ձեւով. Տնտեսական դժվարություններ ապրող Ռուսաստանը, աճող Չինաստանն ու անորոշ վիճակում գտնվող ԱՄՆ-ը վերսկսում են պայքարն առաջնորդության հմար»,-գրում է թերթը։ Հաշվի առնելով, որ որոշ գնահատականներով, ԱՄՆ-ը առաջիկա 30 տարում կարդիականացնի իր միջուկային ծրագրերը՝ հասցնելով այն մինչեւ 1 տրլն դոլարի, նրա մրցակիցները այդ ժամանակահատվածը կօգտագործեն սպառազինությունների սեփական ժամանակակից ծրագրերն առաջ մղելու համար», հավելել է թերթը։