Բարձրաստիճան պաշտոնյաները միջամտում են Հրազդանի քաղաքապետի ընտրությանը. armlur.am
ՊԵԿ մաքսանենգության դեմ պայքարի և կրկնակի մաքսային հսկողության վարչության պետ Սամվել Սանամյանը 25/17 և 25/15 ընտրատեղամասերում անձամբ շրջում է, դուրս հրավիրում գործող քաղաքապետ Արամ Դանիելյանի վստահված անձանց, զրուցում նրանց հետ, ցուցումններ տալիս և միայն լրագրողների և ոստիկանների պահանջներից հետո` հեռանում: Այս մասին հաղորդում է Armlur.am-ը Սանամյանի համար որպես վարորդ էր աշխատում ՀՀ ԿԱ ջրային կոմիտեի նախագահ Արամ Հարությունյանը (Բուլկի Արամ): Վերջինս ՀՀ Կոտայքի մարզխորհրդի նախագահն է: Երբ մեր լրագրողը Հարությունյանից հետաքրքվել է, թե ինչու է եկել ընտրատեղամաս, նա պատասխանել է, որ զբոսնում է: Սամվել Սանամյանը ևս armlur.am-ի հետ զրույցում ասել է, որ ինքը սովորաբար բոլոր նման միջոցառումներին մասնակցում է: Նշենք, որ բավականին լարված մթնոլորտ էր 25/17 ընտրատարածքի դիմաց, որտեղ մարդիկ հերթ էին կանգնել, ինչպես խորհրդային տարիներին կտրոնների հերթերն էր: ՀՀ ընտրական օրենսգրքի 21.4 հոդվածով սահմանվում է, որ մինչև 50 մետր շառավիղ հեռավորության վրա չպետք է կուտակումներ լինեն. մարդիկ պետք է ընտրեն ու հեռանան: Սակայն սույն բարձրաստիճան պաշտոնյաններն ու նրանց ուղեկցող մարդիկ խախտում են ՀՀ ընտրական օրենսգիրքը: