Շտապ. Մանրամասներ Երևան-Երասխավան ճանապարհին վթարից

ՀՀ արտակարգ իրավիճակների նախարարությունը տեղեկություններ է հաղորդել Երևան-Երասխավան ճանապարհին տեղի ունեցած հրդեհից:

«Հուլիսի 6-ին, ժամը 15:15-ին «911» ծառայությանը տեղեկություն է հաղորդվել, որ Արարատի մարզում Զոդի կամրջին տեղի է ունեցել ՃՏՊ. բախվել է երեք ավտոմեքենա: Ըստ նախնական տվյալների՝ կան 5 զոհ և 11 տուժած. անհրաժեշտ է փրկարարների օգնությունը:

Դեպքի վայր է մեկնել ԱԻՆ ՓԾ հրշեջ-փրկարարական ջոկատից երկու մարտական հաշվարկ»,- նշված է հաղորդագրության մեջ:

Երասխավանի գյուղապետ Ռադիկ Օղիկյանը SHANTNEWS.am-ի հետ զրույցում մանրամասներ է պատմել և ասել.

«Կարծես զոհեր կան, բայց հստակ թիվ չգիտեմ, ոստիկանությունը թույլ չի տալիս մոտենանք, արգելապատնեշներով փակել են, մոտ չեն թողնում, ոչ ոք մոտ չի գնում»:

Նա տեղեկացրել է՝ ինչ-որ մեքենա հարվածել է երթուղայինին: