Առաջիկայում կհասցնե՞նք իջնել մետրոյի Աջափնյակ կայարանում.ինչ են ասում ավագանու անդամները

Հարցազրույց Երևանի ավագանու Իմ քայլը խմբակցության անդամ Հայկ Հովհաննիսյանի և Բարգավաճ Հայաստան խմբակցությունից Հռիփսիմե Առաքելյանի հետ:/Մաս 2-րդ/

-Բարգավաճ Հայաստան և Լույս խմբակցությունների  կարծիքը կարողանո՞ւմ եք տեղ հասցնել:

Հռիփսիմե Առաքելյան.Դա ամենածանր խնդիրն է քաղաքային իշխանությունում, մենք շատ նախագծերում առաջարկեներ ենք ներկայացնում,տարբեր խնդիրներ բարձրաձայնում,շատ ավելի էմոցիոնալ ենք փորձում արձագանքել տարբեր խնդիրներին, բնականաբար միշտ մնալով կառուցողական և էթիկայի սահմաններում: Իմ քայլի մոտ կա այս խնդիրը,Հայկը շատ լավ գիտի,որ դա այդպես է,որ մենք ինչ ուզենք կանցկացնենք,թող իրենք ինչքան ուզում են գոռան,անգամ ամենափոքր նախագծերը,որոնք իրենցից առանձնապես դարակազմիկ խնդիր չեն ներկայացնում,չեն անցկացնում:Կարող են անգամ այդտեղ այնքան գիտակից գտնվել,որ ընդդիմադիրների մասով դիվիդենտներ շահելու և կրեդիտ ունենալու համար անեն,անգամ դա էլ չեն անում,որ ասեն՝քվերակենք,ընդունենք նախագիծը,որ ասեն՝տեսնում եք մենք ձեր նախագծերն ենք կյանքի կոչում,այստեղ էլ ճկունության և դիվանագիտություն է պետք ,որ անեն:

Հայկ Հովհաննիսյան.Պարոն Խաժակյանի կողմից նախագիծ էր բերվել, որն ընդունվեց համարյա միաձայն:

-Ի՞նչ նախագիծ էր:

Հայկ Հովհաննիսյան.Կապված էր այն բանի հետ,որ հերթական նիստերին հարց ու պատասխան պետք է լինի,թե չէ փողոցները սրբերի անուններով կոչելու կամ մեկ այլ բան,մեզ համար անընդունելի է:

Հռիփսիմե Առաքելյան.Ավագանու գործառույթների մեջ փողոցների անվանափոխությունը մտնում է:

Հայկ Հովհաննիսյան.Դա հարգում եմ:

Հռիփսիմե Առաքելյան.Դա մեր կանոնակարգի մեջ էգրված:

Հայկ Հովհաննիսյան.Նախագծերը,որոնք պետք է գան,նրանք ավելի շատ պետք է միտված լինեն,քանի որ այնպես չէ,որ ավագանին առանձին կառույց է և գործում է գործադիրի դեմ:

-Մոտ 60 միլիոն դրամ անհետացել է,Կամազների գնման ժամանակ,նման հրապարակում եղավ,այս թեմայի մասին ձեր տեսակետը: Դավիթաշեն վարչական շրջանի նախկին ղեկավար Ռուսլան Բաղդասարյանը հակված չէ հավատալու, որ Երևանի քաղաքային իշխանությունը մաքուր ձեռքերով է աշխատում։

Հռիփսիմե Առաքելյան.Ես ընդամենը նրա գրառումը կարդացի, որ ինքը դիմել է Կամազ ընկերությանը և իրեն ավելի էժան գին են առաջարկել,քան քաղաքային իշխանությունն է ներկայացրել ,ուսումնասիրության խնդիր է,որևէ մեկը չի կարող մերկապարանոց հայտարարություն անել:

Հայկ Հովհաննիսյան.Ուսումնասիրություն անցկացրել են անգամ դատախազությունում, ստուգվել են : Դավիթ Խաժակյանն էլ անընդհատ կոռուպցիոն ռիիսկեր էր տեսնում,որի հիման վրա դատախազությունից եկան,ստուգեցին և ցույց տվեցին,որ կոռւպցիոն ռիսկ չկա:

Հռիփսիմե Առաքելյան.Մեկ կետից գնումը նորմալ չէ,ընթացակարգերին դեմ է, քաղաքապետը թղթերը վերցրեց ,արագ գնաց գործադիր,որ՝շուտ արեք հաստատեք,աղբի մեջ կորում ենք , մեկ անձից գնումը հաստատեցին,որ Կամազները բերեն:

Հայկ Հովհաննիսյան.Այդ 15 մեքենաների համար,որով քաղաքապետը գնաց կառավարություն,5 գնվեց ,իսկ մնացած 10-ը ,քանի որ չկային,և բոլորը ասում էին,որ 2-3 ամսից նոր կարող ենք մատակարարել, դրեցինք մրցույթ:

-Նախորդներն էլ էին նույն կերպ ասում:

Հռիփսիմե Առաքելյան.Հարցը լուծել են,վերջացրել են,մեկ անձից գնումը արել են, մնում է Կամազները գան և այս քաղաքը մարքրվի:

Հայկ Հովհաննիսյան.Միակ հարցը,որի համար քաղաքապետը մտել էր կառավարություն,այդ 10 մեքենանները ձեռք բերելու համար էր,քանի որ մեկ անձից գնումով չկա,դրեցինք բաց մրցույթ:

Հռիփսիմե Առաքելյան.Ոչ մեկին հետաքրքիր չէ,թե ինչ են գնում,ինչու,խնդիրն այն է,որ մարդը տանից դուրս գա և աղբ չտեսնի:Հրատապ գնացին գործադիր,մարտական ,ես էլ ասացի,որ երևի երկու օրից այս քաղաքում աղբ չի լինի:Դրանից անցել է երկու ամիս ,ունենք նույն պատկերը:

-Գանք ապօրինի շինությունների քանդմանը ,ինչքանով էր դա շոու, շարունակական է լինելու,թե՞ չէ,միտումնավոր մոտեցում էլ կա:Խոշոր մի քանի շինություններում էլ դադարեցրել են շինաշխատանքները,այդտեղ ևս միտում տեսնո՞ւմ եք:

Հռիփսիմե Առաքելյան.Խոսքը Օպերայի տարածքի սրճարանների մասին է:Գործընթացը ամեն տեղ դանդաղում է,շինթույլտվության մասով կա խնդիր,որովհետև մենք շատ բողոքներ ենք ստացել շինարարական տարբեր ընկերություններից,որոնք բողոքում են ,որ հերթը արհեստականորեն ուռճացվում է և շինթույլտվություն չեն տալիս:Կարող է գլխավոր ճարտարապետը ուսումնասիրում է,տեսնում է,որ նորմալ է,գործը հասնում է քաղաքապետին,կասեցվում է,կամ հակառակը:Հետո Մեսչյանը ասում է `սա լավ չէր ու կասեցվում է:Դեպքեր են եղել,որ մարդկանց շինթույլտվությունը տվել են,շնորհավորել են հաջորդ օրը ասել են`չէ,մի տեսակ մանկական խաղի է նման և կոնկրետ շինթույլտվությունների մասով կա խնդիր:Օպերայի տարածքի սրճարանների մասով,մենք ականատես եղանք երկու սրճարանի քանդմանը ը և այդ սրճարանները քանդելուց հետո պետք է շարունակական լիներ և որտեղ տեսնեին ապօրինի շինարարություն,գնային և վերացնեին:Այդ երկու սրճարանի քանդելուց հետո ամիսներ են անցել

Հայկ Հովհաննիսյան.Ուրիշ բան չի քանդվե՞լ:Որտեղով մեր քաղաքացին քայլում էր վերածել էին ինչ-որ բուդկաների:

Հռիփսիմե Առաքելյան.Մենք ինչ-որ ուղղորդված բաներ ենք տեսել:

Հայկ Հովհաննիսյան.Ես մայիս ամսին հարցում էի կատարել շինթույլտվությունների հետ կապված անցած տարվա նույն ժամանակի հետ համեմատած ,ընդամենը 20-30 ենք պակաս տվել:

Հռիփսիմե Առաքելյան.Այդ 20-30-ը այդքան շենք է:

Հայկ Հովհաննիսյան.Հաշվի առնելով,թե ինչպես են տրվել ժամանակին և հիմա,դրա արդյունք է :

Հռիփսիմե Առաքելյան.Շատ լուրջ վախեր կան,որ ճիշտ շենքին ենք տալիս,մարդը ասում է,որ բազմաբնակարան շենք եմ սրաքում:

Հայկ Հովհաննիսյան.Կանաչ տարածքը աճուրդի են հանել:

Հռիփսիմե Առաքելյան.Խոսքը այն դեպքերի մասին է,որ ասում են`ամեն ինչ հաշվարկված է,ճիշտ է, հետո ասում են `փոշմանեցինք:

Հայկ Հովհաննիսյան.Կանաչ տարածքը ժամանակին աճուրդով վաճառել են,քաղաքացին իր սեփական տարածքի վրա ուզում է այդ մի քանի ծառը կտրի ,շենք սարքի,ժամանակին նրանք ասել են `կսարքես,հիմա մենք ի՞նչ անենք,ծառերը կտրե՞նք,շենք սարքենք:

Հռիփսիմե Առաքելյան.Ես այն մասին եմ ասում,որ մեկը մի բան է ասում,մյուսը`այլ բան: Նախկինի մասին չխոսեմ:

-Դժգոհություններ կան,որ մի շարք շինություններ անավարտ են մնացել և հիմա թույլ չեն տալիս սարքել:

Հայկ Հովհաննիսյան.Մոտ 5000 քմ միայն մանկապարտեզներ ենք ետ բերել մասնավորից:

Հռիփսիմե Առաքելյան.Դա ուրիշ թեմա է:

-Վեթինգ եք իրականացրե՞լ:

Հայկ Հովհաննիսյան.Այս տարի 1000 երեխա ավել կհաճախի մանկապարտեզ:

Հռիփսիմե Առաքելյան.Սա շատ լավ բան է:

-Իրենք են նվիրո՞ւմ,խլու՞մ եք,թե՞ բարեկամաբար խոսում եք:

Հայկ Հովհաննիսյան.Օրինակ Վերոնիկայի հայտնի մանկապարտեզը ետ վերադարձվեց:

Հռիփսիմե Առաքելյան.Անհատույց օգտագործման տրվել է,հիմա քաղաքային իշխանությունը ետ է վերադարձնում:

Հայկ Հովհաննիսյան.Օպարայի երկու սրճարանները դատական պրոցեսի մեջ են դրա համար չքանդվեցին,հողը համայնքային է,շինությունը մասնավորինը:

-Միտում տեսնում եք,թե՞ ոչ:Խոսենք տրանսպորտի մասին,շատ խոստումներ էին տալիս,սական Երևանը շարունակում է մնալ խիստ ծանրաբեռնված: Երևանը շրջանցող փողոցներ պետք է լինեն,նոր ճանապարհներ,մետրոյի նոր կայարանի կառուցման խոստումների մասին չխոսեմ,շուտով մենք երևի կիջնե՞նք չէ Աջափնյակի կայարանում:

Հայկ Հովհաննիսյան.Ըստ պարոն Մեսչյանի այո,աշխատանքները կսկսվեն:

-Այսպիսի քննադատություն կա,որ ինչ ասում են,դուք ասում եք`մենք դեռ հինգ տարի ժամանակ ունենք: Ներդրումներ կա՞ն:

Հայկ Հովհաննիսյան.Գլոբալ առումով քաղաքային իշխանությունը օր օրի ,ամեն վայրկյան պետք է ուղղակի լինի քաղաքացու կողքին,չի կարելի շեշտել հինգ տարի:

Հռիփսիմե Առաքելյան.Տրանսպորտի խնդիրը շատ լուրջ է,իհարկե քաղաքապետը ասաց,որ երկու տարվա մեջ խնդիրը կլուծենք:Նախկին իշխանությունների կողմից,ես չգիտեի,հիմա արդեն ուսումնասիրեցի,կար բրիտանական ընկերության հետ գործընթաց`WIG,ասացին,որ այս ընկերությունը երևի նախկինների հետ կոռուպցիոն սխեմաների մեջ է :Մի քանի ամիս դրեցին ,ուսումնասիրեցին,տեսան,ասացին,բայց ոնց որ լավ ծրագիր է,եկեք սա փորձենք իրականացնել,սկսենք գործընթացները:Քաղաքապետարանում տրանսպորտին լուծում տալու համար անցկացվեց մեկ մեծ քննարկում,որ խնդիրներ ունենք,ուզում ենք այս ընկերության հետ աշխատել:Ի՞նչ ենք անում.այս քննարկումից հետո անցնում է ժամանակ,Բարգավաճ Հայաստանին ոչ ոք ոչինչ չի տեղեկացնում,պատահական սկզբունքով մամուլից իմանում ենք,որ քաղաքային իշխանությունը Երևանի տրանսպորտային ցանցը փոփոխելու համար դիմել է գործադիր իշխանությանը: Լավ դիմել են,հասկանում ենք ,ենթադրում,որ շատ լուրջ ֆինանսական խնդիրներ կան, հիմա ես՝ որպես ավագանու անդամ խնդրում եմ իրենց ,որ ասեն նախահաշվով ,որ դիմել են գործադիրին,ինչքան գումարի մասին է խոսքը:Նախագիծը ,եթե ներկայացնում են կառավարությանը են և ասում`հարգելի կառավարություն,կարող ես աջակցել մեզ,որ մեր քաղաքային տրանսպորտը փոխենք,ես ուղղակի ենթադրում եմ,որ դա 100 միլիոն և ավել դոլարների մասին է խոսքը և բնակա՞ն է, չէ,որ մեր հայրենի կառավարությունը այդ ֆինանասկան միջոցներին չի տիրապետում,որ ասի`առ քաղաքապետարան ջան,գնա մեր քաղաքացիների կյանքը ավելի բարելավի ,պետք է այդ գումարային միջոցները գտնել :Ենթադրելի է,որ նոր վարկեր են,նոր բեռ է քաղաքացու,երկրի վրա,որովհետև սա մեր արտաքին պարտքի ավելացմանն է ուղղված նաև :Մենք արդեն յոթ միլիարդի շեմը հատել և անցել ենք, այս խնդրի հետ կապված ես բազմիցս եմ ասել,մեր խմբակցությունը ևս ասում է,թե ինչքան է նախահաշիվը,քանի միոլիոն դոլարի մասին է խոսքը ,չկա,ես հիմա էլ եմ ասում,որ Հայկը ասի նախահաշվով:

Հայկ Հովհաննիսյան.WIG-ի հետ կատարած այդ ուսումնասիրությունը ինչու քաղաքապետը նորից սկսեց իրականացնել,քանի որ մեր պահանջը այն էր,որպեսզի թարմացնենք տեղեկատվությունը և մոնիթորինգի արդյունքերը,քանի որ դրանք շատ հին էին:Եվ քաղաքը զարգացող քաղաք է,պետք էր ուսումնասիրել:

Հռիփսիմե Առաքելյան.Կրկին ժամանակ կորցրեցինք:

Հայկ Հովհաննիսյան.Այդ ընթացքում`նոյեմբեր,դեկտեմբեր,հունվար,փետրվար ամիսներին WIG-ն աշխատել է այդ նոր ինֆորմացիայի ,նոր մոնիթորինգի վրա,եթե փոփոխված արդյունք կա,դրա վրա:Ըստ իմ ունեցած տեղեկությունների,նախկինում եղել է հաշվարկված մոտավորոպես,որ ծախսը լինելու է 250 միլիոն դոլարի չափով,նոր ցանց ունենալու համար,հիմա թիվը չգիտեմ,բայց գիտեմ,որ դրանից շատ ցածր է:

-Որտեղի՞ց գիտեք:

Հայկ Հովհաննիսյան.Հարցրել եմ,ասել են :

-Բա ինչո՞ւ չէիք ներկայացնում:

Հայկ Հովհաննիսյան.Ներկայացնում եմ:

Հռիփսիմե Առաքելյան.Ասաց 250 միլիոնից մի փոքր ցածր, ավագանու մյուս գործընկերն ասաց `100 միլիոն:Կարող է ինչ-որ մեկը ասում է`ես ձեզ գումար տամ,ձեր ցանցը փոխեք,բա չիմանանք նախահաշիվը ինչքան է:

Հայկ Հովհաննիսյան.Բնականաբար կներկայացնեն,առանց ձեզ ներկայացնելու չեն անելու:

 Առաջին հատվածն՝այստեղ

Հարցազրույցը՝Նաիրա Բաղդասարյանի