Հռոմի պապը կայցելի փախստականների կղզի
Հռոմի պապ Ֆրանցիսկոսը շաբաթ կայցելի հունական Լեսբոս կղզի, որը դարձել է վերջին տարիների միգրացիոն ճգնաժամի խորհրդանիշը: Լեսբոսի միջոցով ավելի քան 1 մլն փախստականներ, ովքեր ուղևորվել են Եվրոպա Մերձավոր Արևելքի և Հյուսիսային Աֆրիկայի կողմից, գրում է РИА Новости-ն: Դա Հռոմի պապի 2-րդ այցն է Հունաստան` 1054թ. քրիստոնեական եկեղեցու պառակտումից հետո: 2001-ի մայիսին երկիր է այցելել Հովհաննես Պողոս 2-րդը: Սակայն եթե 15 տարի առաջ պոնտիֆիկոսի այցը բողոքի ակցիաներ էր առաջացրել հունական եկեղեցու և հասարակության մեծ մասի մոտ, ապա այժմ պապական այցն արդեն նախապես անվանում են «պատմական»: «Շաբաթ ես մեկնում եմ Լեսբոս կղզի, ուր նախորդ ամիսներին բավականին բազմաթիվ փախստականներ են ժամանել: Ես մեկնում եմ այնտեղ իմ եղբայրների հետ, որպեսզի իմ մտերմությունը և համերաշխությունը հայտնեմ, ինչպես փախստականներին, այնպես էլ կղզու բնակիչներին և ամբողջ հույն ժողովրդին, որն այդքան շռայլ է իր ընդունելության մեջ»,- ասել է Ֆրանցիսկոսը: Սուրբ աթոռից հայտնում են, որ պապական այցը զուտ մարդասիրական բնույթ է կրում և չունի ոչ մի քաղաքական ենթատեքստ:
Հետևեք մեզ Viber-ում
