Թերհասների իշխանություն

Նիկոլ Փաշինյանի թիմը, որն իր ձեռքն է վերցրել պետության ղեկը, ամեն օր ապացուցում է, որ գործ ունենք թերհասների իշխանության հետ:
Մարդիկ, որոնք ի պաշտոնե կոչված են ասենք երկրի արտաքին քաղաքականությունը վարել եւ Հայաստանը հենց նրանց շնորհիվ պետք է դիմակայի աշխարհաքաղաքական դժվարին գործընթացներում, իզորու չեն անգամ պարզ տեխնիկական աշխատանք իրականացնել: Այս անգամ թերհասներից հերթական բացահայտվողը Ռուբեն Ռուպինյանն է, նախկին փոխարտգործնախարար, ներկայումս Իմ Քայլի պատգամավոր, արտաքին հարաբերությունների հանձնաժողովի նախագահ եւ համատեղության կարգով ԵԽԽՎ հայաստանյան պատվիրակության ղեկավար:
  ԵԽԽՎ-ում Ռուսաստանի վերադարձի եւ ձայնի իրավունքի վերականգմանը վերաբերող բանաձեւին ՀՀ պատվիրակության նախագահ Ռուբեն Ռուբինյանը դեմ էր քվեարկել, իսկ նույն հանձնաժողովի փոխնախագահ Հովհաննես Իգիթյանը չէր մասնակցել քվեարկությանը: Ռազմավարական դաշնակիցների հետ փայլուն հարաբերությունների մասին վարչապետի՝ պարբերաբար հնչող «կենացների» ֆոնին իշխանականների նման դիրքորոշումը իսկապես ուշագրավ է:

Սակայն մեկ օր հետո Ռուբինյանը շտապել է բացատրություն տալ, պնդելով, որ իր քվեն տեխնիկական պատճառով էր գրանցվել դեմ, մինչդեռ ինքը մտադիր էր կողմ քվեարկել: Իրականությունն իհարկե այլ է, ըստ էության՝ Նիկոլ Փաշինյանը որոշել է ԵԽԽՎ-ի ամբիոնից Ռուսաստանի դեմ հերթական միտինգն անել, բայց հասկանալով, որ կոնկրետ այս դեպքում դուխը գործի կեսը չէ եւ մեր դաշնակիցը նման դեպքերում գրեթե չի ներում, ահազանգել է թիմակիցներին, նրանք էլ զավեշտալի արդարացումnեր են հորինել: Ենթադրենք Ռուբինյանի պարագայում տեխնիկական խոտան է առաջացել, իսկ ինչ հիմնավորմամբ չի քվեարկել Իգիթյանը, այն դեպքում, երբ պատվիրակության ընդդիմադիր պատգամավորներ Էդմոն Մարուքյանն ու Նաիրա Զոհրաբյանը կողմ են քվեարկել:
Ելնելով՝ Ռուբինյանի ներկայացրած կանխավարկածից՝
մնում է հուսալ, որ ՀՀ իշխաnությունները կազատվեն միջազգային պատվիրակությունները ղեկավարող նման անփորձ ղեկավարներից, կոնկրետ դեպքում՝ Ռուբինյանից: Հակառակ դեպքում կհաստատվեն բոլոր այն տեղեկությունները, որ սա Հայաստանի կողմից Ռուսաստանի նկատմամբ հերթական անհաջող բողոքի նոտան էր: Իսկ Նիկոլ Փաշինյանը դրա համար բազում պատճառներ ունի, միայն Ռոբերտ Քոչարյանի նկատմամբ ռուսաստանյան իշխանության բացահայտ վերաբերմունքը բավական է հրաժարվելու ռազմավարական դաշնակցից:

Անի Սահակյան