Խաղաղ պայմաններում զոհված զինծառայողների գործերը բացահայտելու համար ՔԿ-ն կգործադրի բոլոր ջանքերը. Փաշինյան
Քննչական կոմիտեն բոլոր ջանքերը կգործադրի խաղաղ պայմաններում զոհված զինծառայողների գործերը բացահայտելու համար, այդ մասին պայմանավորվածություն եղել է: Այս մասին ԱԺ-ում կառավարության անդամների հետ հարց ու պատասխանի ժամանակ ասաց ՀՀ վարչապետ Նիկոլ Փաշինյանի՝ անդրադառնալով Իմ քայլը խմբակցության պատգամավոր Նազելի Բաղդասարյանի դիտարկմանը, համաձայն որի խաղաղ պայմաններում զոհված զինծառայողների ծնողները խնդրում են ընդունելություն վարչապետի մոտ՝ բարձրաձայնելու այնպիսի խնդիրներ, որոնք բարձրաձայնելու հնարավորություն նախկինում հնարավոր չի եղել:
«Իրականում այդպիսի ընդունելություններ արդեն անցկացրել եմ: Կարող եմ հավաստիացնել, որ գործերի բացահայտման առումով որևէ խոչընդոտ չկա: Եվ ես չեմ կարծում, թե իմ ընդունելությունն այդ առումով որևէ բան կփոխի: Ես լիարժեք վստահ եմ, որ Քննչական կոմիտեն բոլոր ջանքերը կգործադրի, և այդ մասին խոսակցություն և պայմանավորվածություն եղել է»,-ասաց վարչապետը:
Հետևեք մեզ Viber-ում
