Փաշինյանի ոչ նախանձելի վիճակը.ճնշում երկու ճակատով

Մինչ այս օրերին իշխանությունները աղմուկ-աղաղակով պատրանք են ստեղծում, թե Ռուսաստանը խառնվում է Հայաստանի ներքին գործերին եւ այդ մասին վկայում է Հայաստանում ՌԴ դեսպանի եւ Ռոբերտ Քոչարյանի օրերս կայացած հանդիպումը, իշխանությունների սիրելի Արեւմուտքի մասին նույն գույժն է լսվում՝ Չեխիան համաձայնություն չի տվել ՀՀ երրորդ նախագահ Սերժ Սարգսյանի եղբոր՝ Ալեքսանդր Սարգսյանի որդու Գոնսալես մականունով հայտնի Նարեկ Սարգսյանի արտահանձնումը Հայաստանի իրավապահ մարմիններին: Այս տեղեկությունն դատարանում հայտնել նրա եղբայրը. «Իմ իմանալով համաձայնություն չի տվել»,- ասել է նա։Դժվար թե Հայկ Սարգսյանը հրապարակայնացներ միայն իր տեղեկությունները, առանց ճշտված փաստերի ու ինֆորմացիայի ՝ հաշվի առնելով, որ անզգույշ մի հայտարարություն կարող է գազազեցնել իշխանություններին՝ դրանից բխող հետեւանքներ հաջորդեն, մանավանդ, որ իշխանություններն ակամայից կաշկանդված են Սերժ Սարգսյանի մերձավորների նկատմամբ լիարժեք գործողություններ ծավալելու բերկրանքից եւ ձեռնարկվող քայլերը կներկայացնեն հակահարված:

Ինչեւէ, փաստն այն է, որ ոչ միայն Ռուսաստանն է փաստորեն իշխանությունների տրամաբանությամբ խառնվում Հայաստանի ներքին գործրին, այնպես էլ Արեւմուտքը: Հիեցնենք, որ որ Հայաստանում Ռուսաստանի դեսպանատունը, անցած ուրբաթ անդրադառնալով դեսպան Կոպիրկինի հանդիպմանը Ռոբերտ Քոչարյանի հետ, պարզաբանել էր՝ «հանդիպումը կայացել է հասարակական-քաղաքական և գործարար շրջանակների ներկայացուցիչների հետ դեսպանի պարբերական հանդիպումների շրջանակներում»: Սակայն իշխանությունն ի դեմս Արարատ Միրզոյանի որոշեց , որ ներկայացված փաստարկը համոզիչ չէ եւ հանդիպման նպատակը թերեւս այն է, որ ռուսական շրջանակներն իրենց կապերով փորձեն աջակցել Մարտի 1-ի գործով սահմանադրական կարգի տապալման մեղադրանք առաջադրած Ռոբերտ Քոչարյանին: Եթե պարզ ասենք՝ իշխանությունը կասկած ունի, որ ինչպես Միքայել Հարությունյանին, Միհրան Պողոսյանին, Վահագն Հարությունյանին, Յուրի Խաչատուրովին, Ռուսաստանը ապաստան կտա նաեւ Ռոբերտ Քոչարյանին: ԱԺ նախագահ Արարատ Միրզոյանը նախ հայտարարեց, թե չի ողջունում հանդիպումը, իսկ հետո պարզ դարձավ, որ ԱԳՆ-ն դեսպանին կանչել է, հանդիում է եղել Զոհրաբ Մմնացականյանի հետ ու զրույցն ընթացել է Հայաստանի ներքին գործերին չմիջամտելու համատեքստում:
Իշխանությունը ըստ էության հատկապես վերջին օրերին անում է բոլոր հնարավորը՝ ցույց տալու, որ Ռուսաստանն իրականում քիթը խոթում է մեր ներքին գործերին, այնինչ Հայաստանում իրականում քաղաքական դատավարություններ չեն ընթանում: Սակայն դեսպանի թեման դեռ չի խամրել, երբ հայտնի է դառնում, որ Չեխիան նույնպես համաձայնություն չի տվել Գոնսալեսին արտահանձնելու համար: Սա նշանակում է, որ որքան էլ Նիկոլ Փաշինյանն ու իր թիմակիցները հերքեն քաղաքական դատավարությունների, հետապնդումների փաստը, քաղաքակիրթ աշխարը ամեն բան տեսնում է ու հետեւություններ են արվում:

 Անի Սահակյան