Քերի. ԱՄՆ-ն կարող էր խփել ռուսական կործանիչը
ԱՄՆ-ի Զինված ուժերը, ըստ կանոնակարգի, կարող էին խփել ռուսական Սու-24 ռմբակոծիչը, որը Բալթիկ ծովում մի քանի անգամ վտանգավոր հեռավորության վրա թռչել է ամերիկյան USS Donald Cook ականակիր նավի մոտով: Այս մասին հայտարարել է ԱՄՆ պետքարտուղար Ջոն Քերին: Ամերիկյան կողմը նշում է, որ ռուսական կործանիչը մի քանի մետր հեռավորության վրա է եղել նավից:Ռուսաստանը պատասխանել է, որ տեսնելով նավը՝ օդաչուները, պահպանելով անվտանգության բոլոր միջոցառումները, փոխել են ուղղությունը:Քերին դատապարտել է միջադեպը և զգուշացրել Մոսկվային, որ նման մանևրները շատ վտանգավոր են՝ հույս հայտնելով, որ այլևս չեն կրկնվի:
«Դա անմտություն է, դա սադրանք է և դա վտանգավոր է: Զինված ուժի կիրառման օրենքների համաձայն՝ ինքնաթիռը կարող էր խփվել», - ասել է նա:
Հետևեք մեզ Viber-ում
