Ինչ են մտածում Ռուսաստանում Հայաստանի և մյուսների մասին

«Լևադա կենտրոնը» Ռուսաստանում աբցյացրած հարցումները հետաքրքիր պատկեր է արջանագրել` ՌԴ քաղաքացիների` Հայաստանի նկատմամբ ունեցած վերաբերմունքի մասով: Հարցման արդյունքները ցույց են տալիս, որ ռուսաստանցիների 22%–ը Հայաստանին համարում է բարեկամ երկիր։ Հարցումն անցկացվել է 2019թ.–ի մայիսի 24–29–ը, հարցմանը մասնակցել է 18–ից բարձր տարիքի 1616 մարդ Ռուսաստանի 137 բնակավայրերում և 50 սուբյեկտներում:

Հարցվածներին խնդրել են պատասխանել հետևյալ հարցին. «Նշեք հինգ երկիր, որոնք կանվանեիք Ռուսաստանին առավել մտերիմ, դաշնակից»։
Հարցվածների 22%–ն ընտրել են Հայաստանը, որպես բարեկամ երկիր։ Նշենք, որ այս ցուցանիշը կրկնակի գերազանցում է 2018թ.–ի ցուցանիշը, երբ նմանատիպ հարցման ժամանակ հարցվածների միայն 11%–ն էր ընտրել Հայաստանը։
Առավել բարեկամ երկրների ցանկում Հայաստանը զբաղեցրել է 4–րդ հորիզոնականը` զիջելով Բելառուսին, որին մատնանշել է հարցման մասնակիցների 62%, Չինաստանին (42%) և Ղազախստանին (38%)։ Անդրկովկասյան երկրների շրջանում Հայաստանը զբաղեցնում է առաջին տեղը. մեր տարածաշրջանում Ադրբեջանին ընտրել է հարցվածների 16%–ը, Վրաստանին նշել է 8%–ը։ Այնուամենայնիվ, բարեկամ երկրների շարքում 5-րդը Ադրբեջանն է, վեցերորդը` Սիրան ու Հնդկաստանն են, որոնց անունը նշել են հարցման մասնակիցների 14%–ը: Այնուհետև գալիս են Վենեսուելան, Վիտենամը: Հաջորդաբար նույն հորիզոնականի վրա են Կուբան, Ուզբեկստանը, Թուրքիան, Կիրգիզիան, Գերմանիան, որոնց անունը նշել է հարցման մասնակիցների 9%–: Հաջորդաբար գալիս է Վրաստանը`  8%-ով:
«Վեդոմոստին» ներկայացնելով «Լևադա կենտրոնի» տնօրեն Լև Գուդկովի մեկնաբանությունըւ գրում է. «ԱՊՀ երկրների նկատմամբ վերաբերմունքն առաջին հերթին բացատրվում է նրանով, որ թշնամության բացակայությունն, այդ թվում` ԶԼՄ–ներում, արդեն դիտարկվում է որպես բարեկամություն։ Եվ վարչապետ Նիկոլ Փաշինյանի հետ կայացած բանակցությունները ևս ստեղծում են պատրանք, որ Հայաստանը բարեկամ երկիր է»:
Միաժամանակ հարցվածներին խնդրել են պատասխանել նաև հետևյալ հարցին. «Ձեր կարծիքով, որո՞նք են Ռուսաստանի նկատմամբ ամենաանբարյացակամ, թշնաբար տրամադրված երկրները»։ Այս հարցին պատասխանելիս հարցվածներից որևէ մեկը Հայաստանի անունը չի նշել։
Ռուսաստանի նկատմամբ առավել թշնամաբար տրամադրված երկրների ցանկը, բնականաբար, գլխավորում է ԱՄՆ–ն. Միացյալ նահանգների անունը նշել են հարցվածների 67%-ը, որին հետևում են Ուկրաինան` 40% ցուցանիշով, ապա Մեծ Բրիտանիան` 38%։ Մեր հարևաններից Վրաստանի անունը, որպես ոչ բարիացակամ երկրի, նշել է հարցման մասնակիցների 11%–ը, իսկ Թուրքիային ոչ բարիացակամ է համարել 2%–ը: Ի դեպ, Ադրբեջանի անունը ևս, որպես ոչ բարիացակամ երկրի, չի նշվել:
Հատկապես ոչ բարիացակամ երկրների թվերը պարզագույնս փաստում են, որ պետական քաղաքականությունը խիստ կողմնորոշիչ նշնակություն ունի ինչպես բարեկամ այնպես էլ ոչ բարեկամ կամ թշնամի երկրների ընտրության հարցում: Փաստորեն` Անդրկովկասում ՌԴ-ի հանդեպ ամենավատ տրամադրված երկիրը Վրաստանն է`ռուսաստանցիների կարծիքով:

Հայկ Դավթյան