Ուժեղ երկրաշարժ Ճապոնիայում. Japan Today. տեսանյութ
Ճապոնիայի Կյուշու մարզում այսօր տեղի է ունեցել 6.4 մագնիտուդ հզորությամբ ուժեղ երկրաշարժ, գրում է japantoday.com-ը:
Պարբերականի հաղորդմամբ փլվել են տներ և շինություններ: Զոհերի և վիավորների մասին առայժմ տեղեկություններ չկան:
Ճապոնիայի մետերոլոգիական գործակալությունը հայտնել է, որ երկրաշարժի էպիկենտրոնը եղել է Մաշիկի ավանում, որտեղ ըստ ճապոնական սեյսմիկ սանդղակի, եղել է ամենաբարձրը` 7 բալ:
Կառավարության աշխատակազմի քարտուղար Յոշիհիդե Սուգան մամուլի ասուլիսի ժամանակ հայտարարել է, որ թեև որոշ տներ և շինություններ փլվել են, սակայն մոտակայքում գտնվող միջուկային կայանը չի վնասվել:
Գրանցվել են նաև բազմաթիվ հետցնցումներ, հաղորդում է Japan Today-ը՝ հղում անելով Ճապոնիայի մետերոլոգիական գործակալությանը:
Ճապոնական NHK լրատվամիջոցը իր նյուզռումում ֆիքսել է երկրաշարժի պահը: