Վահե Գրիգորյանը՝ Արմեն Սարգսյանի լեգիտիմության մասին
ՀՀ նախագահ Արմեն Սարգսյանին համարել էիք ոչ լեգիտիմ և քանի որ Արմեն Սարգսյանը լեգիտիմ չէ, հետեւաբար՝ այս խորհրդարանն էլ լեգիտիմ չ,նման հարց ուղղեցին լրագրողները ՀՀ նախագահի կողմից առաջադրված Սահմանադրական դատարանի անդամի թեկնածու Վահե Գրիգորյանին
«Ես քննադատել եմ Արմեն Սարգսյանի՝ 4-րդ նախագահի ընտրության գործընթացը:
Ժողովուրդ ջան, սա պառլամենտական հանրապետություն է և պառլամենտում կա ընդդիմություն: Ընդդիմությունն օրենքի նախագծին դեմ է քվեարկում, օրենքն ընդունում է, դուրս է գալիս փողոց, խախտում է օրենքը, որովհետև դե՞մ է քվեարկել:
Ես հավակնում եմ լինել ՍԴ դատավոր: Դատարանի կողմից քննարկվելիք հարցերի մեջ լինելու են հարցեր, բնականաբար, որոնց վերաբերյալ ես փոքրամասնության մեջ եմ լինելու:
Այսինքն, հատուկ կարծիք եմ ներկայացնելու դրա վերաբերյալ: Ես հրապարակելու եմ հատուկ կարծիք, նշանակում է՝ ես չեմ ճանաչելու մեծամասնության կայացրած դատական ակտի ո՞ւժը:
ՀՀ նախագահը ՀՀ նախագա՞հ է, թե՞ ոչ՝ որոշվում է ոչ թե փաստաբան Վահե Գրիգորյանի մեկնաբանություններով, որ ես ժամանակին տվել եմ և շարունակում եմ տալ, այլ բոլոր սահմանադրական մարմինների կոնսենսուսով:
Եթե ՀՀ նախագահը ՀՀ նախագահ չլինի, էս պառլամենտն էլ չի լինի, էս պառլամենտն ընտրվել է նույն նախագահի հրամանագրով»,-ասաց նա և հավելեց. «Ես համարում եմ, որ չորրորդ նախագահին պետք է ընտրեին քաղաքացիները, այդ ժամանակ ուժի մեջ էր 2005-ի Սահմանադրությունը»:
Հետևեք մեզ Viber-ում
