Հալեպում իրավիճակը լարված է

Հալեպում զինյալ ահաբեկչական խմբավորումները խախտել են զինադադարը՝ տասնյակ հրթիռներ արձակելով քաղաքի տարբեր շրջանների վրա. հայտնում է Բերիո լուրերի ֆեյսբուքյան էջը։ Այսօր առավոտյան հրթիռակոծվել են Հալեպի Թելեֆոն Հաուայի, Վիլլաներ, Նոր Գյուղ, Սուլեյմանիե, Ճապրիե, Մեյսելուն, Սուլեյման ալ-Հալաբի, Շեյխ Մաքսուդ և այլ թաղամասեր: Արձակված հրթիռների պայթյունների հետևանքով արձանագրվել են զոհեր և վիրավորներ։ Վիրավորները տեղափոխվել են հիվանդանոց։ Հալեպում ռումբերի ու հրթիռների պայթյուններն ու ավերածությունները շարունակվում են աննկարագրելի ձևով։ Պայթյունները նյութական մեծ վնասներ են հասցրել բնակարաններին, գործատեղիներին, մոտակայքում կայանված մեքենաներին՝ քաղաքում տարածելով վախի ու սարսափի մթնոլորտ։