Ռուս զինվորականներն իրենցից հետո լավ վարժեցված սիրիական բանակ են թողել. Պուտին

Ռուսաստանի Դաշնության նախագահ Վլադիմիր Պուտինի ավանդական երկրի քաղաքացիների հետ  «ուղիղ կապի»  ընթացքում ՌԴ նախագահը հայտարարեց,որ  Սիրիայի բանակն ի վիճակի է լուրջ խնդիրներ իրականացնել,  Սիրիայում կընդունվի նոր Սահմանադրություն և կանցկացվեն արտահերթ ընտրություններ: «Ռուս զինվորականներն իրենց փոխարեն լավ վարժեցված սիրիական բանակ են թողել, որը կարճ ժամանակ անց կարողացել է գրոհայիններից հետ վերցնել Պալմիրան և մի շարք այլ բանակավայրեր:Շատ խմբավորումներ միանում են հրադադարի ռեժիմին, սպասվում են ընտրություններ, Սահմանադրության քննարկումներ»,- ասաց  Պուտինը՝ պատասխանելով ՌԴ զինված ուժերի հիմնական մասը Սիրիայի տարածքից դուրս բերելուց հետո ԻՊ-ի հնարավոր ակտիվության մասին հարցին։ Հալեպի շուրջը հիմա շատ բարդ իրավիճակ է. «Քաղաքի մոտ գործում է եւ զինված ընդդիմությունը, եւ «Ջեբհատ ան-Նուսրա» ահաբեկչական խմբավորումը, եւ շատ դժվար է տարբերել նրանց»,-ընդգծեց ՌԴ նախագահն ու հավելեց , որ հույս ունի, որ Սիրիայում կրակի դադարեցումը կհանգեցնի քաղաքական գործընթացի, որ երկրում կընդունեն նոր սահմանադրություն եւ կանցկացվեն արտահերթ ընտրություններ: Պուտինը նախազգուշացրեց, որ եթե չպայքարենք ահաբեկչության դեմ, «Իսլամական պետությունը» նորից կարող է ուժեղացնել իր դիրքերը: «Սիրիայում խաղաղություն կհաստատվի ոչ թե ռազմական գործողությունների, այլ խաղաղ բանակցությունների արդյունքում: Պետք է պայմանավորվել, բոլորով նստել բանակցությունների սեղանի շուրջ, ընդունել Սահմանադրություն, որի հիման վրա անցկացնել ընտրություններ եւ այդկերպ դուրս գալ ճգնաժամից»,-իր խոսքն ամփոփեց Պուտինը: