Մեծածավալ բախումներից զերծ մնալու համար փոքր քայլ էր պակասում.Մոգերինին՝ԼՂ-ի մասին
Արդեն տեղեկացրել ենք,որ Եվրոպական խորհրդարանը երեկ իր լիագումար նիստում, ի թիվս այլ հարցերի, անդրադարձել է Լեռնային Ղարաբաղում ստեղծված իրադրությանը,որի ընթացքում ԵՄ արտաքին հարաբերությունների եւ անվտանգության քաղաքականության հարցերով գերագույն հանձնակատար Ֆեդերիկա Մոգերինին կարեւորել է, որ լիագումար նիստում խորհրդարանն անդրադառնում է Լեռնային Ղարաբաղի խնդրին եւ նշել, որ ապրիլյան այս գործողությունները հիշեցնում են, որքան վտանգավոր կարող է լինել հակամարտությունների կարգավորման ձգձգումը։ «Աննախադեպ էսկալացիայից առաջ իրենք զգուշացրել էին, որ ստատուս քվոն հնարավոր չէ պահպանել:Մեծածավալ բախումներից զերծ մնալու համար փոքր քայլ էր ընդամենը պակասում, ուստի մենք ավելացնում ենք մեր ջանքերը հակամարտության խաղաղ կարգավորման ուղղությամբ: Չափազանց մեծ տառապանք են մարդիկ կրել. հակամարտությունը շարունակում է վտանգել «Նոր հարեւաններ» մեր ծրագիրը եւ խոչընդոտում է երկու երկրների եւ ողջ տարածաշրջանի զարգացմանը»,- ասել է նա, նշելով, որ հարավային Կովկասը կարեւոր տարածաշրջան է Եվրոպայի համար. այն խաչմերուկ է եւ մեծ ներուժ ունի, որը սակայն կասեցվում է անկայունության եւ պատերազմների պատճառով:
Հետևեք մեզ Viber-ում
