ՌԴ ՊՆ խորհրդականը Հայաստանին խորհուրդ է տվել «զգոն լինել»

Ռուսաստանի Դաշնության պաշտպանության նախարարի խորհրդական Անդրեյ Իլնիցկին «Զվեզդա» հեռուստաալիքի եթերում մեկնաբանել է ամերիկյան Rand Сorporation հետախուզական վերալուծական կենտրոնի վերջին զեկույցը:

Զեկույցում նշվում է, որ Միացյալ Նահանգները պետք է ընդլայնի իր կապերը Հարավային Կովկասի պետությունների հետ:

«Նրանք ընդունում են, որ Ռուսաստանի դիրքերը շատ ամուր են Հյուսիսային Կովկասում, իսկ հարավում կարելի է խաղալ առկա հակասությունների վրա: Նրանք ասում են, որ Ադրբեջանն անդառնալիորեն շարժվելու է Արևմուտքի ուղղությամբ: Նաև հիշեցնեմ՝ որտեղ է գտնվում աշխարհում ԱՄՆ-ի գրեթե ամենամեծ դեսպանատունը՝ Հայաստանում: Շատ առումներով դա պատահական չէ: Իհարկե, այնտեղ դիտարկվում է ոչ միայն Հայաստանը, այլև ամբողջ տարածաշրջանը: Ամեն դեպքում և՛ մեր հայ, և՛ ադրբեջանցի ընկերները պետք է զգոն լինեն. թշնամին չի ննջում»,-ասել է խորհրդականը` հավելելով, որ ԱՄՆ-ն Ռուսաստանին վնասելու նպատակով փորձելու է ապակայունացնել իրավիճակը Մերձդնեստրում, Ուկրաինայում, Բելառուսում:

Տեսանյութն այստեղ` tvzvezda.ru