Մեզ կարող են վիրավորել, մենք չե՞նք կարող ասել, որ կան մարդիկ, ովքեր իրենց գրպանի համար են գործում.Ալեն Սիմոնյան (video)
ԱԺ փոխնախագահ Ալեն Սիմոնյանը լրագրողների հետ զրույցում, անդրադառնալով մամուլում հրապարակված տեղեկություններին, որ «Իմ քայլը» խբակցության վերջին փակ նիստում քննարկվել է նաև լրագրողներին ԱԺ որոշ հատվածներ չթողնելու հնարավորության մասին, ասաց, որ լրագրողների գործունեությունը որևէ մեկը միտք չունի սահմանափակելու և չի սահմանափակի,հայտնեց. «Կարող է ինչ-որ ձևով համակարգվի: Ես անձամբ, օրինակ, կառաջարկեմ, որ լրագրողների համար ինչ-որ սրահ լինի, որտեղ բրիֆինգներ անեն տարբեր կուսակցությունների ներկայացուցիչներ, որը կհամակարգի գործունեությունը: Բայց սահմանափակելն իմ կարծիքով սխալ է»:
«Ապրիլյան պատերազմի հետ կապված կային որոշ շատ մտահոգություններ, որոնք պետք է ստուգենք: Հանրության մոտ պետք է վստահություն լինի, որ պետության և ՊՆ-ի կողմից արվում է ամեն ինչ, որ զինվորներն ամեն ինչով ապահովված լինեն»,- անդրադառնալով ապրիլյան պատերազմի վերաբերյալ քննիչ հանձնաժողով ձևավորելու մասին վարչապետ Նիկոլ Փաշինյանի հայտարարությանը ասաց ԱԺ փոխնախագահը:
«Մենք պետք է ստուգենք և ճշտենք ամեն ինչ, որպեսզի Հայաստանում երբևիցե չլինի նախադեպ, որը եղավ: Օրինակ՝ նախկին վարչապետներից մեկը հայտարարեց, որ տանկերից մեկի մեջ վառելիք չկար ու դա անհետևանք մնաց»,- ասաց Ալեն Սիմոնյանը:
Հետևեք մեզ Viber-ում
