Աննա Հակոբյանի համար փողը հոտ չունի
Վարչապետի տիկին Աննա Հակոբյանն հերթական ասուլիսն էր հրավիրել՝ ներկայացնելու «Իմ քայլը» և «Ժպիտների քաղաք» հիմնադրամի գործունեության արդյունքները։ Ասուլիսի ընթացքում նա մի քանի հնչեղ հայտարարություններ է արել ։Հակոբյանին իր շրջագայությունների, գործուղումների ժամանակ ամուսնուն ուղեկցելու , պետական բյուջեի հաշվին ընտանեկան վոյաժների մասին հարցերին կրկնել է նախկինում հնչեցրած միտքը, թե ժամանակ չի ունենում ամուսնու հետ շփվելու, այդ պատճառով էլ նրան ուղեկցում է, որ ինքնաթիռում գոնե շփվեն:
Նախկին վարչապետերն ու նախագահներն էլ էին ծանրաբեռնված ու խիտ գրաֆիկով աշխատում՝ անկախ արդյունքից, և նրանց կանայք էլ ժամանակ չէին ունենում հաճախ շփվել իրենց ամուսինների հետ, բայց ամեն առիթով նրանց հետ գործուղման չէին մեկնում, որ շփվեն հետը։ Մյուս կողմից, վարչապետից ոչ պակաս ծանրաբեռնված գրաֆիկով են աշխատում կառավարության շատ այլ անդամներ ևս, նաև որոշ պատգամավորներ, նույնկերպ նրանց կանայք կարող են բյուջեի հաշվին ամեն անգամ իրենց ամուսիններին ուղեկցել օտարերկրյա այցերի ժամանակ։
Աննա Հակոբյանն այս դիտարկումներին յուրօրինակ պատասխան է տվել, լապշաներ կախելով զոմբիների ականջներին, թե պատճառը միայն ու միայն ամուսնու հանդեպ սերն է, որ ճիշտ հակառակը՝ երազում է մնալ տանն ու չմեկնել գործուղումների կամ չուղեկցել ամուսնուն, բայց ստիպված է դա անում՝ հանուն երկրի բարօրության։
Տիկին Հակոբյանը նախ ընդգծեց, որ ինքը պետբյուջեի հաշվին չի մեկնում, և հավելյալ գումար չի նստում դա բյուջեի վրա.<<Դե ես շատ եմ սիրում ամուսնուս ինչ անեմ>>,-նախկինների հետ համեմատությունն այսպես է արդարացրել նա, չհասկանալով, որ չի կարելի իր սերը վայելել մեր՝ ՀՀ քաղաքացիներիս, պետբյուջեի հաշվին: Առավել հուզիչ պատասխաններ է տվել օլիգարխների նվիրատվությունների մասին, նախկինում, եթե հիշում եք Փաշինյանը քննադատում էր, որեւէ օլիգարխ Ռիտա Սարգսյանի ղեկավարած հիմնադրամին նվիրատվություն էր անում:Ասում էր, որ այդկերպ այդ օլիգարխները ցանկանում են հաճոյանալ իշխանություններին, օգտվել արտոնություններից։ Առավել եւս,պետբյուջեից գողացած փողերը, ասում էր, որ նվրատվություն չէ: Աննա Հակոբյանը պատասխանել է, որ եթե պետբյուջեից գողացված միջոցներ են, ավելի լավ, որ փոխանցվում են ու դրանք ծառայեցվում են պետությանը եւ պետության քաղաքացիներին։ Նա այս ամենի մասին ասել է՝ մեկնաբանելով հարցը, թե արդյոք հիմնադրամի համար նշանակություն չունի, թե ինչ ծագում ունենա փոխանցվող գումարները, անգամ եթե դրանք պետբյուջեից գողացված են։Աննա Հակոբյանն ասում է, որ անձամբ իր համար գումարի ծագումը կապ չունի, քանի որ ինքը մտածում է՝ կապ չունի՝ ինչ ձեւով է հասել նրա ձեռքը, ով մեզ է փոխանցում, միեւնույն է մենք այն ծառայեցնելու ենք ամենաբարի, ամենաճիշտ, ամենաօգտակար նպատակներին։ «Այդ գումարը, եթե որեւէ ձեւով հասել է ինչ-որ մեկին, եթե մնա իր մոտ, ավելի օգտակար չի լինի, քան եթե հասնի մեզ»: Սա հայտարարում է կոռուպցիայի դեմ պայքար մղող վարչապետի տիկինը, հընթացս մոռանալով, որ իր ղեկավարածը ընդամենը մասնավոր հիմնադրամ է ու համեմատելի չէ պետբյուջեի հետ, իսկ բյուջեի գողերին առնվազն պիտին պատժեն, այլ ոչ թե հիմնադրամը դարձնեն սրբատեղի, որտեղ կարելի է մաքրել գողացած փողերը:
Նա իր շնորհակալությունը հայտնեց բոլոր նվիրատուներին` ասելով, որ իրենց հիմնադրամով նոր մշակույթ են ուզում բերել Հայաստան։
Հիշեցնենք, որ «Ժպիտների քաղաք» բարեգործական հիմնադրամի նվիրատուների 2018 թվականի ցանկում 77 կազմակերպության և անհատի անուն կա, որոնց թվում են «Ալեքսանյանների Ընտանիք բարեգործական հիմնադրամը», Անահիտ և Ջավահիր Ծառուկյանները, Մայր Աթոռ Սուրբ Էջմիածինը եւ այլ գործարարներ։
Անի Սահակյան
Հետևեք մեզ Viber-ում
