Երևանում բախվել են Mitsubishi-ին և Mercedes-ը. կա 1 տուժած. ՖՈՏՈՌԵՊՈՐՏԱԺ
Այսօր` ապրիլի 11-ին, ավտովթար է տեղի ունեցել Երևանում: Ժամը 08:30-ի սահմաններում Տիգրան Մեծ-Գլինկայի փողոցների խաչմերուկում բախվել են Ավան Առինջի բնակիչ, 36-ամյա Արթուր Առաքելյանի վարած Mitsubishi մակնիշի 33 TT 385 համարանիշի և Նոր-Նորքի 5-րդ զանգվածի բնակիչ, 43-ամյա Արման Հովսեփյանի վարած Mercedes մակնիշի 34 NT 642 համարանիշի ավտոմեքենաները: Ինչպես հայտնում է ֆոտոլրագրող Գագիկ Շամշյանը, բախման հետևանքով Mitsubishi-ի ուղևորուհին՝ 66-ամյա Կարինե Մաղաքյանը, մարմնական վնասվածքներով տեղափոխվել է «Էրեբունի» բժշկական կենտրոն: Դեպքի վայր են ժամանել Ճանապարհային ոստիկանության 1-ին սպայական գումարտակի 3-րդ դասակի աշխատակիցները՝ դասակի հրամանատար Հովիկ Մկրտչյանի գլխավորությամբ: Դեպքի մասին ՃՈ օպերատիվ կառավարման կենտրոնից տեղեկությունը փոխանցել են Հայաստանի քննչական կոմիտեի Երևանի քննչական վարչություն, որտեղից ժամանել է հատկապես կարևոր գործերով ավագ քննիչ Մանվել Մուրադյանը, ում կողմից փաստի առթիվ նյութեր են նախապատրաստվում: Ֆոտոլրագրողի տեղեկություններով՝ Mitsubishi-ի վարորդը և տուժողը մայր ու որդի են: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: Լուսանկարները՝ Սմբատ Պետրոսյանի