Ինչո՞ւ Հայաստանին չի հաջողվում «քանդել» չինական «պատը»
Աշխատանքային այցով Չինաստանում գտնվող վարչապետ Նիկոլ Փաշինյանը Ժողովրդական ներկայացուցիչների պալատում հանդիպեց ՉԺՀ նախագահ Սի Ծինփինի հետ:
Սի Ծինփինը նշել է, որ իր երկիրը կարևորում է Հայաստանի հետ տարբեր ոլորտներում հարաբերությունների շարունակական զարգացումը: ՉԺՀ նախագահը խոսել է հայ-չինական մշակութային և պատմական ամուր փոխհարաբերությունների մասին և հավելել, որ այն նաև «Մետաքսե ճանապարհ»-ի արդյունքն է: Ապա նա ընդգծել է, որ Չինաստանը պատրաստ է մասնակցել «Հյուսիս-հարավ» ավտոմայրուղու կառուցման և այլ ենթակառուցվածքային ծրագրերի իրականացմանը: Սի Ծինփինը վստահություն է հայտնել, որ երկկողմ համագործակցությունն առաջիկայում կզարգանա առևտրաշրջանառության, արդյունաբերության, տրանսպորտի, մշակույթի և հումանիտար ոլորտներում:
ՉԺՀ նախագահի խոսքով` հայկական որոշակի արտադրատեսակներ վերջին շրջանում հաջողությամբ մասնակցել են Չինաստանում անցկացված ցուցահանդեսներին և ներկայացված են շուկայում: Սի Ծինփինը վստահություն է հայտնել, որ երկկողմ համագործակցությունն առաջիկայում կզարգանա առևտրաշրջանառության, արդյունաբերության, տրանսպորտի, մշակույթի և հումանիտար ոլորտներում: ՉԺՀ նախագահը միաժամանակ հավելել է, որ իր երկիրը հետագայում ևս աջակցություն է ցուցաբերելու այնպիսի նախագծերին, որոնք կնպաստեն Հայաստանի զարգացմանն ու հայ ժողովրդի բարեկեցության բարձրացմանը:
Զրուցակիցները հեռանկարային են համարել համագործակցության զարգացումը գյուղատնտեսության, տրանսպորտի, էներգետիկայի, տեղեկատվական տեխնոլոգիաների, ենթակառուցվածքների, կրթության և այլ ոլորտներում:
«ՉԺՀ-ի հետ հարաբերությունները Հայաստանի Հանրապետության արտաքին քաղաքականության առաջնահերթությունների թվում է: Մեր երկու ժողովուրդները ներկայացնում են հին քաղաքակրթություններ, հայկական ձեռագրերում դեռ հինգերորդ դարում նկարագրվում է երկու ժողովուրդների կապերի մասին: Այդ կապերն ունեցել են առևտրային, հումանիտար և քաղաքական բնույթ: Մեզ համար շատ կարևոր է կառուցողական և արդյունավետ հարաբերությունները Չինաստանի հետ», - ասել է Փաշինյանը: Նա նշել է, որ Հայաստանը շահագրգռված է «Մեկ գոտի մեկ ճանապարհ» նախաձեռնության շրջանակում Չինաստանի հետ համատեղ նախագծերի իրականացմամբ և հավելել, որ հայկական կողմը դիտարկում է մասնակցությունն ավտոտրանսպորտային, երկաթուղային, տեղեկատվական ենթակառուցվածքների ոլորտներում համատեղ ծրագրերի իրականացմամբ: Զրուցակիցները հեռանկարային են համարել համագործակցության զարգացումը գյուղատնտեսության, տրանսպորտի, էներգետիկայի, տեղեկատվական տեխնոլոգիաների, ենթակառուցվածքների, կրթության և այլ ոլորտներում: Կողմերը պայմանավորվել են հետագա համագործակցության քայլերը քննարկել գերատեսչությունների մակարդակով:
Պաշտոնական հաղորդագրությունների առումով, այսպես ասած՝ ամեն ինչ կարգին է, բայց առավել կարևոր է, որ հանդիպման արդյունքները: Իսկ Չինաստանի հետ կապերի, համագործացկության փորձեր նախկինում էլ եղել են, դեռ Սերժ Սարգսյանի ժամանակ: Այն ժամանակ էլ հնչեցին ուշագրավ մտքեր, բայց ինչպես ասում են՝ «սայլը տեղից չշարժվեց» խոշոր հաշվով:
Նկատենք, որ Չինաստանն է Հարավային Կովկասի նկատմամբ մեծ հետաքրքրություն ցուցաբերում, որը պայմանավորված է նաև Բաքու-Թբիլիսի-Կարս կառուցված երկաթգծով, որը ավելի է մեծանում Վրաստանի տարանցիկ աշխարհագրական դիրքի նշանակությունը: Չինաստանը Հայաստանի հետ կապված ունի լուրջ հետաքրքրություններ ունի չինական նոր՝ «Մետաքսի ճանապարհ» ռազմավարության՝ «Մեկ գոտի-Մեկ ճանապարհի» ծրագրով:
Չինաստանի կողմից հավակնությունների դրսևորումներից մեկը «Նոր մետաքսի ճանապարհի» աշխարհաքաղաքականությունն է, որն այլ կերպ անվանվում են՝ «Մեկ գոտի - Մեկ Ճանապարհ» և ընդգրկում է «Մետաքսի ճանապարհ, տնտեսական գոտի» և «21-րդ դարի ծովային մետաքսի ճանապարհ» նախաձեռնությունները, որոնք ընդգրկում են ինչպես ցամաքային, այնպես էլ ծովային միջանցքներ:
Գործնականում ինչ արդյունքներ կլինեն Փաշինյանի այցի համատեքստում՝ ցույց կտա ժամանակը:
Մետաքսյա Շալունց
Հետևեք մեզ Viber-ում
