Փաշինյանի սարսափները. շոուի շատն է լավ

Հատուկ քննչական ծառայությունը հայտարարել է Գագիկ Ծառուկյանի մանդատի և ձեռնարկատիրության համատեղման վերաբերյալ ՔՈ կուսակցության դիմումի հիման վրա հարուցված գործի կասեցման մասին՝ հանցակազմի բացակայության պատճառով: Սա նշանակում է, որ իրավապահներն էլ են հաստատում, որ Գագիկ Ծառուկյանը չի համատեղում ձեռնարկատիրությունը պատգամավորության հետ: Ստացվում է, որ, եթե հին Հայաստանում Գագիկ Ծառուկյանի մոտ թղթերով էր ամեն ինչ կարգին, ապա նոր Հայաստանում ամեն ինչ կարգին է արդեն ոչ միայն թղթերով, այլ նաև իրավապահների եզրակացությամբ:

Ինչ է սա նշանակում, սա նշանակում է, որ իրավապահ մարմինները աշխատանքներ են տարել պարզելու՝ արդյոք Ծառուկյանը գաղտնի զբաղվում է ձեռնարկատիրությամբ, ինչպես թղթերն են փաստում, թե այնուամենայնիվ նա մասնակցում է իր բիզնես գործերին, թեեւ այն հավատարմագրային կառավարման է հանձնել: Եւ ստացվում է, որ իրավապահների աշխատանքների արդյունքում պարզվել է, որ, իսկապես, Գագիկ Ծառուկյանը ճիշտ էր, իսկ Նիկոլ Փաշինյանի թիմակիցները սխալ, որոնք միանալով Քաղաքացու որոշում կուսակցությանը` հայտարարում են, թե իրենց մետ էլ է տպավորություն ստեղծվել, որ Ծառուկյանը զբաղվում է ձեռնարկատիրությամբ: Հատկանշական է, որ իշխանությունն ընդհանրապես ընդառաջ գնաց ՔՈ-ի դիմումին եւ որոշակի գործընթաց սկսեց Գագիկ Ծառուկյանի դեմ, եղան աղմկոտ հայտարարություններ, որոնք կամա, թե ակամա չեն բխում որեւէ ներդրողի, սեփականատիրոջ շահերից:

Ընդհանրապես, թե Ծառուկյանը հասել է ԱԺ ու այդ հարցում որեւէ խոչընդոտ չի առաջացել, դրանից հետո պարզապես օրենսդրական որեւէ կարգավորում չկա, որը տալիս է ձեռնարկատիրությամբ զբաղվելու հստակ սահմանումը: Այդ մասին խոստովանեցին նաեւ իշխանական որոշ պատգամավորներ՝ խմբակցության ղեկավար Լիլիթ Մակունցի գլխավորությամբ: Հետեւաբար բարձրացված աղմուկը բացառապես տվյալ անձին վարկաբեկելու, հռչակած տնտեսական հեղափոխությունը օրորօրոցում խեղդելու անպտուղ քայլեր են: Իսկ նման քայլեր իշխանությունն անում է ձեւավորման առաջին իսկ օրվանից: Հիշենք Սամվել Ալեքսանյանին պատկանող Երեւան Սիթիներում ՀԴՄ կտրոնների խնդիրը, երբ ԱԱԾ-ն մեծ շուքով ներխուժեց գործարարին պատկանող գրասենյակներ, խանութներ, հայտարարվեց, թե պետության միջոցները թալանվել են, խոշոր հարկեր չեն վճարվել, իսկ ինչ եղավ հետո, շատ հուզիչ էր: Ամիսներ հետո մարդիկ պարզեցին, որ Ալեքսանյանը շարունակում է նույն ԱՁ-ների միջոցով իր խանութների ցանցում իրականացնել միգ-բանջարեղենի վաճառքը, քանի որ այլ կերպ նարավոր չէ այն իրականացրել: Կամ ասենք բանանի շուկայի հետ կապված, Նիկոլ Փփաշինյանն անձամբ էր հայտարարում, որ մենաշնորհները վերացնելու կոշտ քաղաքականություն է վարում, այլեւս Հայաստանում չենք տեսնի մենաշնորհներ, վարչապետ դառնալուց մեկ-երկու ամիս հետո գլուխ գովաց, թե բանանի շուկային նոր ներկրողներ են հայտնվել, որ բանանի արքա Մմիհրան Պողոսյանն այլեւս միայնակ չէ, որ բանանը մենք այլեւս չեն գնելու 900-1000 դրամով, այլ 500-600 դրամով է այն հասանալի դառնալու:

Իսկապես, հանուն արդարության մեկ-երկու ամիս բանանն էժանացավ, իսկ այն ինչ պատահեց հետո շատ հուզիչ էր: Պարզվեց, որ բանանի շուկայում հայտնված <<նոր>> խաղացողները հների ֆեյք ընկերություններն են, որ Միհրան Պողոսյանը ֆեյք ընկերություններ է բացել եւ նրանց միջոցով եւս բանան է ներկրում: Այս ուղղությամբ իրավապահները զրո քայլ արեցին, ամեն դեպքում փաստն այն է, որ բանանն այսօր գնում ենք այն արժեքով, ինչ հին Հայաստանում: Փոխարենը Նիկոլ Փաշնյանը շանս ունեցավ ինչ-որ փուլում հայտարարելու, որ այլեւս արտոնյալ գործարարներ չկան, որ օրինակ Լֆիկ Սամոն բերվել է հարկային դաշտ, Միհրան Պողոսյանը մրցակիցներ ունի եւ այլն: Ընդհանրապես այս օրինակները բազմաթիվ են, գրեթե բոլոր ոլորտներում, այդ պատճառով էլ ոչ մենաշնորհներն են Հայաստանում վերանում, ոչ շուկան է ազատականացվում, ոչ էլ կյանքի է կոչվում տնտեսական հեղափոխությունը, քանզի այս շոուները բավական են, որ ցանկացած ներդնող կապիտալը փախցնի Հհայաստանից: Հիմա նույնը բեմադրվեց Ծառուկյանի հարցում, այս անգամ իշխանության նպատակը Ծառուկյանի քաղաքական հավակնությունները զսպելն էր, բայց սա այն դեպքն է, երբ Ծառուկյանն ունի ժողովրդի վստահությունը ու ինչ որ պահից հնարավոր է այդ ժողովուրդն անկառավարելի դառնա:

Անի Սահակյան