«Թուրքական AKINCILAR հաքերային թիմը հարձակման է անցել». Սամվել Մարտիրոսյան
Թուրքական AKINCILAR (Cyber Warrior) հաքերային թիմը կոտրել է News.am-ը։ ( Էս պահին կայքը վերականգնված է) Այս թիմը ամենամեծ և ամենահին թուրքական հաքերային խմբավորումներից է, որն արդեն քսան տարի է՝ գործում է։ Թիմը ազգայնական գաղափարախոսության կրող է, սատարում է ներկայիս իշխանություններին։ Բացի այդ, շատ ակտիվ պայքարում է Ցեղասպանության ճանաչման դեմ։ Երկու շաբաթ մեծ հարձակում էին իրականացրել ֆրանսիական և իտալական կայքերի վրա․ այս երկրների կողմից Ցեղասպանության վերաբերյալ հստակ արտահայտված դիրքորոշման պատճառով։
News.am֊ի վրա հարձակումը յուրահատուկ է այն առումով, որ վերջին տարիներին լուրջ լրատվականի վրա հաջողված հարձակումներ չէին գրանցվել։
Այս պահին հայաստանյան կայքերին պետք է լինել ուշադիր, քանի որ թուրք հաքերները կարող են շարունակել հարձակումները․ հիմնական դժգոհությունը Ցեղասպանության թեման է, ինչպես նաև թուրքական դրոշի այրումը Երևանում և Լիբանանում ապրիլի 24֊ին։
Հարձակման սնեփշոթը
Սամվել Մարտիրոսյանի տելեգրամի էջից