Ինչ են խոսել վարչապետի հետ (video)
ՊՎԾ պետի պաշտոնակատար Արգիշտի Քարամյանն այսօր լրագրողների հետ զրույցում նախ տեղեկացրեց, որ ինքը դատախազությունում ծառայության է անցել 2016 թվականի հունիսին, այնուհետև, 2017 թվականին, ներկայացրել է հայտարարագիր, որում, ներառել է խնդրո առարկա դարձած ունեցվածքը, այդ թվում՝ շարժական և անշարժ գույք և դրամական միջոցներ:
«Հետագայում պաշտոններ եմ զբաղեցրել այլ մարմիններում և իմ ներկայացրած հայտարարագրերում որևէ էական փոփոխություն տեղի չի ունեցել, այսինքն՝ ամենասկզբից ես հայտարարագրել եմ այդ ունեցվածքը»,-ասաց Քարամյանը:
Դիտարկմանը, թե Քաղաքացու օրը վարչապետն ասել էր, որ Քյարամյանից պարզաբանում կպահանջի, փորձե՞լ է այդ հարցի պատասխանը ստանալ, Քարամյանը նշեց.
«Իմ և վարչապետի միջև ունեցած խոսակցությունը կամ վարչապետի կողմից ինձնից պարզաբանում պահանջելու հանգամանքը, կարծում եմ՝ հրապարակման ենթակա չէ»:
Հետևեք մեզ Viber-ում
