ԱՄՆ Կոնգրեսի նախկին խոսնակին մեղադրել են մանկապղծության համար

ԱՄՆ Կոնգրեսի ներկայացուցիչների պալատի նախկին խոսնակ Դենիս Հասթերթին մեղադրել են անչափահասներին գայթակղելու համար՝ հայտնում է TASS-ը: ԱՄՆ Իլինոյս նահանգի դատախազությունը դատարան է ներկայացրել փաստաթղթեր, որոնցում նշված է, որ Յորքվիլ քաղաքի դպրոցում մարզիչ աշխատելու տարիներին քաղաքական գործիչը գայթակղել է արական սեռի 4 անչափահասի: Դա տեղի է ունեցել նահանգի օրենսդրական ժողովի կազմում նրա մտնելուց առաջ՝ մինչև 1981 թվականը: 2015 թվականի մայիսի 28-ին նախկին քաղաքական գործչը մեղադրվել է ՀԴԲ-ին խաբելու համար: Իրավապահ մարմինները պարզել են, որ 2007 թվականին կոնգրեսը լքած հանրապետականը 3 տարի անց համաձայնվել է Իլինոյսի ինչ-որ բնակչի վճարել 3.5 միլիոն դոլար, որպեսզի նա թաքցնի իր հակաօրինական արարքները: