Ով է Շրի Լանկայում ահաբեկչության հնարավոր իրականացնողը

Sky News հեռուստաալիքը հրապարակել է տեսանյութ, որտեղ երեւում է ահաբեկչություններից մեկի հնարավոր կատարողը, տեղեկացնում է ՌԻԱ «Նովոստի»-ն։

Պայթյունից առաջ նկարահանված կադրերում երեւում է, թե ինչպես է թխամազ տղամարդը մեծ ուսապարկով գնում փողոցով դեպի եկեղեցի։ Տեսանյութն ընդհատվում է, հենց որ տղամարդը մտնում է շենք։

Ինչպես տեղեկացրել են տեղական լրատվամիջոցները, վերջին տվյալներով՝ զոհվել է 321 մարդ, ավելի քան 500 վնասվածքներ է ստացել։

Եվս մեկ ռումբ, որը հայտնաբերվել է Կոլոմբոյում, բեռնատարի մեջ, իրավապահները վնասազերծել են երկուշաբթի։

Երկրի իշխանությունները ապրիլի 23-ը հայտարարել են սգո օր։