Դավիթ Սանասարյանի գրոհն ընդդեմ Փաշինյանի

Պետական վերահսկողության ծառայության պետ Դավիթ Սանասարյանի պաշտպանները ապրիլի 22-ին բողոք են ներկայացրել ՀՀ գլխավոր դատախազին, որպեսզի որպես մեղադրյալ ներգրավելու մասին որոշումը վերացվի:

Պաշտպանները բողոքի մեջ նաև խնդրել են վերացնել քննիչի որոշումը՝ Դավիթ Սանասարյանի պաշտոնավորումը կասեցնելու համար, ինչպես նաև գործը այլ քննչական մարմին տեղափոխելու համար, պատճառը, ըստ ՊՎԾ պետի պաշտպանի՝ ԱԱԾ-ի քննչական դեպարտամենտի նկատմամբ՝ Դավիթ Սանասարյանի վստահություն չունենալն է:

Հիշեցնենք, որ ապրիլի 18-ին ՊՎԾ պետ Դավիթ Սանասարյանին պաշտոնական լիազորությունները չարաշահելու համար մեղադրանք է առաջադրվել։ Նրա լիազորությունները սառեցված են։
Դավիթ Սանասարյանին ներկայացված մեղադրանքից հետո հանրային արձագանքը գնալով սրվում է, ավելի կոնկրետ՝ այսպես կոչված սորոսականները ակտիվ լծվել են Սանասարյանի պաշտպանության գործին՝ թիրախ դարձնելով ԱԱԾ-ն ու այդ կառույցի ղեկավարին: Խնդիրն այն է, որ Սանասարյանը Փաշինյանի կուսակցությունից չէ, նա Մերժիր-Սերժին նախաձեռնության ակտիվիստներից էր, որոնք հայտնի է, որ աշխատել են սորոսյան հովանավորչության ներքո: Հիմա նրանք համարում են, որ Սանասարյանի դեմ գործը շինծու է, որ ԱԱԾ-ն <շեֆի> դեմ ցուցմունք կորզելու դիմաց է ազատ արձակել ՊՎԾ աշխատակիցներից Գեւորգ Խաչատրյանին, որն անցնում է Զզորաշենի հայտնի գործով: Չնայած այդ արձագանքն այնքան սրվեց, որ ստիպված եղավ արձագանքել նաեւ Փաշինյանը, ասելով, որ պետք է վերջ տրվի <<ախպորական>> մտածողությամբ երեւույթներին մոտենալը եւ թույլ տալ արդար քննություն իրականացվի, այդուհանդերձ Սանասարյանի կողմնակիցները շարունակում են հարձակումը ԱԱԾ-ի դեմ, նրանց է միացել նաեւ Սանասարյանի կինը, նա ֆեյսբուքում ամուսնու մասին բոլոր գրառումներին ու հոդվածներին արձագանքում ակտիվորեն:

Հատկանշական է, որ իր դեմ գործ կարելու մասին առաջինը հայտարարեց գլխավոր հերոս Դավիթ Սսանասարյանը, նա, ով պաշտոնավարման այս ամիսներին անխնա կերպով ոտնահարել է շատերի անմեղության կանխավարկածը, ԱԱԾ քննիչներին խորհուրդ տվեց պահպանել այն եւ մուտիլովկաներ չտարածել: Սանասարյանը ակնակրեց, թե միեւնույն է ինքը դուրս չի գա վարչապետի դեմ: Իհարկե, եթե Դավիթ Սանասարյանի քաղաքական հասունությունն այն մակարդակում է, որ չգիտի՝ առանց Փաշինյանի անհնար էր իր դեմ գործ <<կարվեր>>: Անգամ անծանոթ լինելով պետական համակարգում փոխհարաբերություններին հայտնի գաղտնալսումները բավական են պատկերացում կազմելու, որ Հայաստանում արդարադատությունն իրականացվում է ամենաբարձր՝ վարչապետի մակարդակով, նրա հետ են քնննարկում՝ ում եւ ինչպես բռնել եւ այկն, եւ այս պարագայում սլաքներն ուղղել միայն ԱԱԾ տնօրենի դեմ, կնշանակի՝ ընդամենը շղարշել իրականությունը, կամ կուժ քեզ ասեմ, կուլա դու լսիր հայտնի սկզբունքով Փաշինյանին մեղադրել գործ սարքելու հարցում:

Անի Սահակյան