Նոր իշխանությունը Թոխմախի Մհերին տանիք

hayeli.am-ը գրել էր,որ Հայաստանում ցեմենտի արտադրությամբ զբաղվող արդյունաբերական հսկաները՝ «Արարատ ցեմենտ»-ը և «Հրազդան ցեմենտ»-ը, փակման վտանգի առաջ են կանգնած:

Պատճառը հարևան Իրանից մեծ քանակությամբ ներկրվող ցեմենտն է, ինչի հետևանքով զգալի նվազել են տեղական ցեմենտի իրացման ծավալները: Ու թեև ԱԺ տնտեսական հարցերի մշտական հանձնաժողովում հավանության արժանացավ գործադիրի ներկայացրած օրենսդրական նախաձեռնությունը ներկրված ցեմենտի մաքսատուրքերը բարձրացնելու վերաբերյալ, բայց կա մեկ այլ խնդիր, պետտուրքից ազատվում է ցեմենտի պատրաստման համար օգտագործվող հիմնական հումքը՝ ներկրվող կլինկերը:

Մեր ունեցած տեղեկություններով, Իրանից Հայաստան ցեմենտի ներկրմամբ զբաղվելու է նախկին ՀՀԿ-ական պատգամավոր Մհեր Սեդրակյանը՝Թոխմախի Մհերը ՝ԱԱԾ պետ Արթուր Վանեցյանի հովանավորչությամբ:

Վերջիններիս մտերմությունը դեռ այն ժամանակներից է,երբ Վանեցյանն աշխատել է Էրեբունի համայնքում,որն է այն ժամանակ համարվում էր Թովմախի Մհերի «կայսրությունը»:

Մեր ունեցած տեղեկություններով սակայն,Մհեր Սեդրակյանին  նոր իշխանություններից հովանավորում է ոչ միայն Վանեցյանը:Վերջինս այլ հովանավոր էլ ունի՝Հայկ Սարգսյանը, ով Իմ քայլը խմբակցության պատգամավոր է,վարչապետ Փաշինյանի մտերիմներից մեկը:

Բանն այն է,որ Հայկ Սարգսյանն ու  Էդուարդ Մադաթյանի՝ Խուճուճ Էդոյի որդին, մտերիմ ընկերներ են,իսկ  Խուճուճ Էդոն Թոխմախի Մհերի փեսան է:

Ավելին՝օրենքի նախագծին իր աջակցությունն է  հայտնել  Թոխմախի Մհերին պատկանող «Գաջ» ՓԲԸ-ն ,որը  հայտարարություն էր տարածել՝ փորձելով ստեղծել տպավորություն, որ գործազրկության առաջ կանգնած հազարավոր աշխատակիցների բողոքի հետևում քաղաքական խաղեր կան (հայտարարությունն ամբողջապես այստեղ)։