Ինչ կատու է անցել Փաշինյանի եւ Կյանքի խոսքի միջեւ

Հեղափոխությունից հետո շատ էր խոսվում Նիկոլ Փաշինյանի եւ Կյանքի խոսք կրոնական կազմակերպության միջեւ ջերմ կապերի մասին, դա արտացոլվեց նաեւ կրոնական փոքրամասնության այս համայնքի ներկայացուցիչներին պաշտոնների նշանակելով պետական համակարգում, ինչպես կառավարության գործերի կառավարիչ Գեւորգ Աճեմյանին, որն աղմուկով հեռացավ պաշտոնից եւ խոստովանեց նաեւ, որ հարում է Կյանքի խոսքին: Ավելին հրահանգված էր այս եկեղեցու հետեւորդներին, որ երբ Փաշինյանը հանրահավաք է անում, պարտադիր պետք է մասնակցել: Մեր տեղեկություններով ,Աճեմյանի պաշտոնանկությունից հետո սեւ կատու է անցել կազմակերպության հովիվների եւ Փաշինյանի միջեւ եւ ոչ միայն Աճեմյանը, այլ համայնքից պաշտոն ստացած շատերը ազատվել են աշխատանքից: