Փարիզում այրվել է Աստվածամոր տաճարը/տեսանյութ,տեսաշար/

Ֆրանսիայում այրվել  է Փարիզի Աստվածամոր տաճարը։ Տեսանյութերում, որոնք հայտնվել են համացանցում, երեւում է, թե ինչպես է տաճարից խիտ ծուխ բարձրանում։

Հրդեհը սկսվել է շենքի վերանորոգվող մասում։ Հրշեջների տվյալներով, հրդեհի բռնկումը «պոտենցիալ կապված է» իրականցվող աշխատանքների հետ՝ հայտնում է РБК-ն։

Le Monde-ը, հղում կատարելով տաճարի ներկայացուցչին, գրում է, որ հրդեհի մասին հայտնի է դարձել մոտ 18:50-ին։  

Այն բանից հետո, երբ հրդեհի հետեւանքով ամբողջովին փլուզվել էին տաճարի աշտարակն ու տանիքը, կրակն անցել է շենքի հիմնական կոնստրուկցիաներին, որից հետո հայտնվել է տաճարի ձախակողմյան աշտարակում։

Ֆրանսիայի ՆԳՆ-ին կից պետական քարտուղար Լորան Նունյեսը հայտարարել է, որ հրդեհի հետեւանքով ոչ ոք չի տուժել՝ հայտնում է Reuters-ը։