Արտակարգ ու առեղծվածային դեպք Արմավիրի մարզում. աղբանոցում հայտնաբերվել են այրված վիճակում ամպուտացված ոտք և կիսաձևավորված պտուղների 3 մարմին

20:52 - 12/ապրիլի/2019

Դիտել նաև Արտակարգ․ ինքնաթիռը չի կարողանում վայրէջք կատարել «Զվարթնոց» օդանավակայանում Արտակարգ․ հոսանքազրկման հետևանքով առնվազն հինգ մարդ է զոհվել Արտակարգ․ Պայթյուն՝ Սևան-Երևան ճանապարհին գործող գազալցակայանում Հայտնի է զանգվածային հոսանքազրկման պատճառը

SHAMSHYAN.com-ի տեղեկություններով՝ ոստիկանության Վաղարշապատի բաժնի հետաքննչական բաժանունքում նյութեր են նախապատրաստվում երեկ՝ ապրիլի 11-ին, Արմավիրի մարզում տեղի ունեցած արտակարգ ու առեղծվածային դեպքի փաստով:

Ինչպես հայտնում է ֆոտոլրագրող Գագիկ Շամշյանը, ժամը 10:00-ին ոստիկանության Վաղարշապատի բաժին ահազանգ է ստացվել, որ Շահումյան գյուղի աղբանոցում այրված վիճակում հայտնաբերվել է ամպուտացված ոտք և կիսաձևավորված պտուղների 3 մարմին: Դեպքի վայր է ժամանել ոստիկանության Արմավիրի մարզային վարչության օպերատիվ խումբը՝ վարչության պետի ժամանակավոր պաշտոնակատար Սամվել Խմելյանի և ոստիկանության Վարղարշապատի բաժնի օպերատիվ խումբը՝ բաժնի պետ Սեյրան Մարտիրոսյանի գլխավորությամբ: Ժամանել են նաև Հայաստանի քննչական կոմիտեի Արմավիրի մարզային քննչական վարչության պետ Սամվել Տոնոյանն ու նույն քննչական վարչության Վաղարշապատի քննչական բաժնի պետ Դավիթ Բարոյանը: Ոստիկաններն ու քննիչները նշված վայրում հայտնաբերել են նաև ներարկիչներ, ինչպես նաև «բժշկական վտանգավոր թափոններ» նշումով կիսաայրված վիճակում պլաստմասե տարաներ: Փաստի առթիվ Վաղարշապատի քննչական բաժնի քննիչ Ղուկասյանի կողմից նյութեր են նախապատրաստվում: Նշանակվել են մի շարք փորձաքննություններ, այդ թվում՝ դատաբժշկական:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: