Մենք ուզում ենք, որ Արարատ Միրզոյանն ինքը ներակայանա և մեզ պատասխան տա.քահանան ու ցուցարարները փորձեցին մտնել խորհրդարան
Ազգային ժողովի դիմաց բողոքի ակցիա է ընթանում՝ ընդդեմ տրանսգենդերներին քարոզչության հարթակ տրամադրելուն: Բողոքի ակցիայի մասնակիցները հորդորում են խմբակցությունների անդամներին հնարավորություն և հարթակ չտալ նրանց:
Սրբապիղծ քարոզ է հնչել ԱԺ-ի բարձր ամբիոնից, որը հայ ազգի գլխավոր ամբիոնն է, մենք այսօր այստեղ ենք, որպեսզի այս այլանդակության դեմն առնենք, և քանի որ այս կառույցը ղեկավարում է Արարատ Միրզոյանը, թող գա և մեզ պատասխան տա:
Պետք է գնանք և օրհնենք խորհրդարանը, սրբագործեն այն, ասաց բողոքի ակցիայի մասնակից հոգևորականը:
Հարցին, թե չի կարծում, որ որոշակի առումով նման կողմնորոշում ունեցող անձանց իրավունքները ոտնահարվում են, և յուրաքանրյուրն ունի խոսելու իրավունք, հոգևորականն ասաց, որ խոսքի ազատություն է, և ով ինչ ուզի կարող է ասել. «Բայց երբ մարդու խոսքը նպատակասլաց տվյալ ժողովրդին բարոյազրկելու, հանցանքների մեջ ներգարվելու մասին է... օրինակ, ի՞նչ եք կարծում մի գող մարդ կգա՞ր, կբարձրանա՞ր ԱԺ ամբիոն և կասեր՝ ժողովուրդ ջան, մինչև հիմա որ ասել ենք գողությունը սխալ է, հանցագործություն է, ի՞նչ եք խոսում, գիտեք, գողությունը շատ լավ բան է, գիտեք, մեզ` գողերիս, ինչքան են ծեծել, նույնիսկ սպանել, գիտեք ախր մեր՝ գողերիս իրավունքներն են ոտնահարում, կամ մարդասպանը կգա՞ր կասեր՝ Դարվինի էվուլյուցիոն մարդը առյուծից է, ես էլ հոշոտել եմ, սոդոմականը գա ասի՝ Աստված սխալ է ստեղծել ձեզ, դուք իրավունք ունե՞ք... տղամարդը տղամարդու հետ այլանդակություն անելը, Սուրբ Ավետարանում ասում են՝ սրբապղծություն է»:
Հետևեք մեզ Viber-ում
