Վանեցյանը հայտնեց` ինչու է գործ հարուցվել Փաշինյանի ազգականի դեմ

Նախաքննություն է իրականացվում, այս պահին չեմ կարող շատ մանրամասներ հայտնել, երեկ է քրեական գործ հարուցվել: Այս մասին լրագրողների հետ զրույցում ասած ԱԱԾ տնօրեն Արթուր Վանեցյանը՝ անդրադառնալով ՀՀ վարչապետ Նիկոլ Փաշինյանի այն հայտարարությանը, թե իր ցուցումով քրեական գործ է հարուցվել իր մերձավոր ազգականի թույլ տված ենթադրյալ չարաշահման փաստի առիթով:

Հարցին, թե ի՞նչ մեղադրանք է առաջադրվել Նիկոլ Փաշինյանի մերձավոր ազգականին, պատասխանեց՝ կեղծ փաստաթղթերի օգտագործում։

Վանեցյանը նաեւ նշեց, որ գործը փոխանցվել է Քննչական կոմիտեին, մանրամասներ չի կարող հայտնել եւ այլ հարցերով ուղղորդեց դեպի ՔԿ. «Հոդվածը կեղծ փաստաթղթերի օգտագործումն է, գործը Քննչական կոմիտե է փոխանցվել:

Ես միանգամից ուզում եմ սլաքը փոխել Քննչական կոմիտե, քրեական գործի վարույթը գլխավոր դատախազությունը փոխանցել է Քննչական կոմիտե»: