Զանգ «ընկերոջը». Ինչ է ուզում Փաշինյանը Պուտինից
Ապրիլի 1-ին հեռախոսազրույց է տեղի ունեցել Ռուսաստանի նախագահ Վլադիմիր Պուտինի և Հայաստանի Հանրապետության վարչապետ Նիկոլ Փաշինյանի միջև, հայտնել է Կրեմլի մամուլի ծառայությունը:
«Ն.Փաշինյանը տեղեկացրել է Լեռնային Ղարաբաղի հիմնախնդրի վերաբերյալ մարտի 29-ին Վիեննայում Ադրբեջանի Հանրապետության նախագահ Իլհամ Ալիևի հետ տեղի ունեցած հանդիպման արդյունքների մասին և շնորհակալություն հայտնել ռուսաստանյան կողմին` բանակցային գործընթացում ծանրակշիռ միջնորդական դերի համար»:
«Վ.Պուտինը վերահաստատել է Ռուսաստանի պատրաստակամությունը՝ այսուհետ ևս աջակցել կարգավորման հիմնարար ասպեկտների լուծումների որոնման հարցում, այդ թվում, ԵԱՀԿ Մինսկի խմբի գծով», տեղեկանում ենք Կրեմլի մամլո ծառայությունից:
Բացի այդ, քննարկվել են երկկողմ հարաբերությունների վերաբերյալ մի շարք արդիական հարցեր, նաև փոխգործակցության վերաբերյալ՝ եվրասիական տարածքում ինտեգրացիոն միություններ շրջանակներում:
Ավելի վաղ Ն.Փաշինյանի և Վ.Պուտինի հեռախոսազրույցի մասին տեղեկություն էր տարածել կառավարության մամուլի ծառայությունը, որում ԼՂ հակամարտության մասին անդրադարձը սահմանափակվում էր մեկ նախադասությամբ. «ՀՀ վարչապետը տեղեկատվություն է ներկայացրել օրեր առաջ Վիեննայում Ադրբեջանի նախագահ Իլհամ Ալիևի հետ կայացած հանդիպման մասին»։
Թվում է, թե ստանդարտ հաղորդագրություն է, որի մասին հայ-ռուսական կողմերը հայտնել են: Սակայն, պետք է հաշվի առնել այն հանգամանքը, թե ինչու է Փաշինյանը նախընտրել նախեւառաջ Վիեննայի հանդիպման մասին նախընտրել հայտնել ռուսական կողմին, ոչ թե նաեւ Վաշինգտոնին ու Փարիզին:
Իհարկե, պատասխանը հետեւյալն է, որ Հայաստան-Ռուսաստան հարաբերությունները գտնվում են ռազմավարական մակարդակում, եւ պաշտոնական Երեւանը պարտավորված է իրեն զգում տեղեկացնել Վիեննայի հանդիպման մանրամասների մասին: Իհարկե, դա կարող էր անել նաեւ ռուս համանախագահ Իգոր Պոպովը, սակայն Փաշինյանը յուրովի ժեստ է կատարել, կարեւորելու համար Ռուսաստանի դերն ու ազդեցությունը ղարաբաղյան կարգավորման գործընթացում:
Սակայն, ոչ միայն: Ըստ ամենայնի, Փաշինյանը Մոսկվայի օգնության կարիքն ունի՝ ղարաբաղյան կարգավորման գործընթացում: Ստեղծվել է մի մթնոլորտ, երբ Ալիևն իրեն ավելի վստահ է զգում, իսկ Փաշինյանը դեռ կարգավորման սկզբունքների վերաբերյալ պարզաբանում է ակնկալում միջնորդներից ու Ալիեւից: Այս իրավիճակում Փաշինյանը, ըստ ամենայնի «օգնություն» է ակնկալում Մոսկվայից:
Իսկ գուցե Փաշինյանն ակնկալում է, որ Մոսկվան կվերցնի՞ կարգավորման ղեկն իր ձեռքը...
Մետաքսյա Շալունց
Հետևեք մեզ Viber-ում
