Նազենի Ղարիբյանը երկու անգամ է եկել ներկայացման և երկուսն էլ՝ ուշացումով .armdaily.am

Այսօր Կառավարության շենքի դիմաց Օպերայի և բալետի ակադեմիական թատրոնի աշխատակիցները բողոքի ակցիա էին իրականացնում: Վերջիններս պահաջում էին՝ Մշակույթի նախարարի պաշտոնակատար Նազենի Ղարիբյանի որոշման չեղարկումը, ըստ որի՝ Կոնստանտին Օրբելյանը թատրոնի տնօրենի պաշտոնից ազատվում է:   Armdaily.am-ի հետ զրույցում թատրոնի գլխավոր ադմինիստրատոր Ժիրայր Տիգրանյանն ասաց, որ այն կարծիքը, թե Օրբելյանը թատրոնի գխավոր դիրիժորն է՝ սխալ է.«Այժմ թատրոնում չկա գլխավոր դիրիժոր: Կան մի քանի դիրիժորներ, բայց կոնկրետ գլխավոր դիրիժորի հաստիք չկա»: Մեր այն հարցին, թե աշխատակիցները և արվեստագետները պնդում են, թե Ղարիբյանը պետք է հեռացվի իր պաշտոնից, քանի որ չի տիրապետում մշակութային ոլորտին, արդյո՞ք Տիգրանյանը նույն կարծիքին է, ասաց.«Բոլորն էլ դժգոհ են Ղարիբյանի աշխատանքից: Ես 20 տարի է աշխատում եմ թատրոնում, ամեն ներկայացման ընդունում եմ մոտ 600-700 հանդիսատես: Հանդիսատեսից միշտ կարծիք եմ հարցնում և գիտեմ, թե հանդիսատեսի որ մասն է գոհ, որը՝ դժգոհ»: Գլխավոր ադմինիստրատորի խոսքերով գրեթե միշտ հանդիսատեսը գոհ է եղել իրենց աշխատանքից.«Բայց թերացումներ նույնպես լինում են: Մարդիկ կան ասում են՝ էս ինչ դեկոր էիք փակցրել, էս երգիչն ո՞վ էր ու նմանատիպ հարցեր: Իհարկե, դժգոհողներ էլ են լինում»: Տիգրանյանը նշում է, որ Նազենի Ղարիվյանն ընդամենը 2 անգամ է եկել իրենց ներկայացումներին.«Ասեմ, որ երկու անգամն էլ ուշացած է եկել»: