Պետք է մաեստրո Օրբելյանի հետ գրագետ վարվել.Արմեն Սարգսյան
Կառավարության դիմաց վաղ առավոտից ակցիա են իրականացնում մի շարք մշակույթի գործիչներ՝ իրենց աջակցությունը հայտնելով Օպերային թատրոնի տնօերն Կոստանտին Օրբելյանին: Նրանք պահանջում են Մշակույթի փոխնախարար Նազենի Ղարիբյանի պաշտոնանկությունը:
Երևանի ավագանու «Իմ քայլը» խմբակցության անդամ Արմեն Սարգսյանը, ով նույնպես ակցիայի վայրում էր, նշեց, որ ինքը ամիսներ առաջ խոսել է թատրոնի որոշ արտիստների հետ և նրանք դեմ չեն եղել, որ ինքը ստանձնի այդ պաշտոնը:
«Պետք է մաեստրո Օրբելյանի հետ գրագետ վարվել, եթե մշակույթ են ղեկավարում, պետք է ճիշտ ղեկավարեն և համապատասխան վերաբերմունք ցուցաբերեն»,-ասաց Արմեն Սարգսյանը:
Հարցին, թե նախարարության այս որոշումից հետո ինքը խոսե՞լ է թատրոնի նույն արտիստների հետ, որոնք ժամանակին դեմ չեն եղել իր նշանակմանը, Ա. Սարգսյանը պատասխանեց՝ այո, բնականաբար:
Իսկ թե ինչպիսին է եղել նրանց արձագանքը՝ հարցին, նա պատասխանեց. «Նրանք ոչինչ չեն անում, չեն խառնվում, որովհետև այստեղ Օրբելյանի հարցը չէ, ուրիշ հարցեր կան, դա էլ ժամանակը ցույց կտա»:
Հետևեք մեզ Viber-ում
