Սարասափահար ինձ զանգահարեց Մակունցը, նա զարմացած էր իմ ազատման հրամանից.Կոնստանտին Օրբելյան
« Երեկ երեկոյան սարասափահար ինձ զանգահարեց Լիլիթ Մակունցը եւ մեղմ ասած՝ իր զարմանքը հայտնեց իմ՝ Օպերային թատրոնի տնօրենի պաշտոնից ազատվելու հետ կապված:Մակունցի նման վերաբերմունքը շատ հաճելի էր՝ ինչ խոսք»,- լրագրողների հետ զրույցում ասաց Ալեքսանդր Սպենդիարյանի անվան օպերայի եւ բալետի ազգային ակադեմիական թատրոնի գեղարվեստական ղեկավար, նախկին տնօրեն Կոնստանտին Օրբելյանը:
Ազգային ժողովի պատգամավոր «Իմ քայլը» խմբակցության ղեկավար Լիլիթ Մակունցը եւս մշակույթի նախարարի պաշտոնը զբաղեցրած ժամանակ որոշակի կոնֆլիկտներ եւ թյուրըմբռնումներ ունեցել է Օպերային թատրոնի տնօրինության հետ,հարցրեց լրագրողներից մեկը ,ինչին ի պատասխան Օրբելյանն ասաց. «Սկզբում՝ այո, որոշ բաներ կար, բայց ես գիտեմ, որ այդ հարցերով էլ էր Նազենին զբաղվում: Այժմ Լիլիթը բոլորովին այլ դիրքորոշում ունի, նա ե՛ւ Գերմիի մրցանակաբաշխությանը մասնակցելու համար էր շնորհավորել ե՛ւ մեր բոլոր հաջողությունների: Նա հասկացել է, որ ես պատահական հայտնված մարդ չեմ, այլ մարդ եմ, որը բավականաչափ նվիրված է այս Թատրոնին»:
Հետևեք մեզ Viber-ում
