Թալիշ է ժամանել Արցախի վարչապետը, իսկ գյուղը հիշեցնում է 1915 թվականը. ամեն ինչ ավերված է.ՖՈՏՈՌԵՊՈՐՏԱԺ

Ինչպես Արցախից հայտնում է ֆոտոլրագրող Գագիկ Շամշյանը, արդեն 1,5 ժամ է՝ Թալիշ գյուղ են ժամանել Արցախի վարչապետ Արայիկ Հարությունյանը, կառավարության անդամներ: Ֆոտոլրագրողը հայտնում է նաև, որ այս պահին գյուղում են գտնվում նաև Լեռնային Ղարաբաղի Հանրապետության ոստիկանության մեծ թվով աշխատակիցներ, ինչպես նաև քննչական գլխավոր վարչության մեծ թվով քննիչներ՝ քննչական վարչության պետ Ի. Գրիգորյանի գլխավորությամբ: Ֆոտոլրագրողի տեղեկություններով՝ Արցախի ոստիկանության քննիչները մեկ առ մեկ արձանագրելու են ազերի դիվերսիոն խմբի ավերածությունները: Ռմբակոծության հետևանքով ամբողջովին ավերակների է վերածվել գյուղի գրեթե 80 տոկոսը: Մանկապարտեզը, դպրոցը, հանդիսությունների սրահը, ամբողջ վերածվել են փլատակների և ամեն քայլափոխի հանդիպում ես այն իրեղեն զինատեսակներին (ԱԹՍ), որոնք օգտագործել են ազերիները: Տեղում Արցախի քննիչներին իրավական աջակցություն են ցուցաբերում Հայաստանից ժամանած մեծ թվով քննիչներ՝ Հայաստանի քննչական կոմիտեի պետի տեղակալ, քննչակա ծառայության գեներալ-մայոր Վահագն Հարությունյանի գլխավորությամբ: Ամեն քայլափոխի հանդիպում ես նաև սատկած խոշոր ու մանր եղջերավոր անասունների: Մի քանի ընտանիքներ էլ իրենց գույքը բեռնատարներով տեղափոխում են Թալիշից, քանի որ տներն ամբողջովին, ինչպես նշել էինք, փլատակների են վերածվել: Գյուղի սկզբնամասում էլ հայտնաբերվեց նաև ազերի հրոսակների կողից ապրիլի 4-ին ռմբակոծված այն հատվածը, որտեղ անօդաչուի հարվածից մահացել և վիրավորվել էին խաղաղ բնակիչներ, ովքեր Սյունիքի մարզի էին: Լուսանկարները՝ Գագիկ Շամշյանի