ԱՄՆ-ի Հայ դատի հանձնախմբի (ANCA) բարձրաստիճան ներկայացուցիչները Պետդեպում խորհրդակցություն են ունեցել պետքարտուղարի՝ Եվրոպայի և Եվրասիայի հարցերով օգնական Վիկտորիա Նուլանդի հետ, որի ժամանակ քննարկվել է ամերիկահայերի` Միացյալ Նահանգներից ադրբեջանական ագրեսիան դատապարտել պահանջող կոչերի անհրաժեշտության հարցը։
«Ապրիլի 2-ից սկսած մենք ակտիվ կապի մեջ ենք վարչակազմի բարձրաստիճան պաշտոնյաների ու օրենսդիրների հետ` փորձելով ամերիկյան կողմին ստիպել սկզբունքային պատասխան տալ Ադրբեջանի անխոհեմ հարձակմանն ընդդեմ Արցախի: Մենք հնարավոր ամեն բան կանենք, որպեսզի ամերիկահայերի ձայնը լսելի լինի ու հարգվի իշխանությունների կողմից»,-նշել է ANCA-ի գործադիր նախագահ Արամ Համբարյանը:
ANCA-ի ղեկավարությունը նկատում է, որ օրերս փոխնախագահ Ջո Բայդենն ու պետքարտուղար Ջոն Քերին Վաշինգտոնում Իլհամ Ալիևի հետ հանդիպման ժամանակ բաց թողեցին Ադրբեջանին խաղաղության պահպանման հարցում սաստելու հնարավորությունը: Եվ ԱՄՆ-ի պաշտոնական մակարդակի լռությունը կանաչ լույս հանդիսացավ Ալիևի համար տարածաշրջանային ագրեսիան «սրելու» հարցում:
«Վարչակազմը քաջատեղյակ է, որ Ադրբեջանն է ագրեսիայի սադրիչը, սակայն շարունակաբար հրաժարվում է ստիպել Ալիևին իրեն հաշիվ տալ մարդկային կյանքեր խլող, տարածաշրջանի վիճակն ապակայունացնող ու տարածաշրջանային պատերազմի վտանգը մեծացնող անխոհեմ ու ճակատագրական հարձակումների համար:
Միացյալ Նահանգների ու միջազգային հանրության` Ալիևի վերջին բռնարարքները դատապարտել չկարողանալու ֆոնին ամերիկահայերը կշարունակեն առաջ տանել կոնգրեսականներ Էդ Ռոյսի ու Էլիոթ Էնգելի խաղաղարար առաջարկները»,-նշվում է ANCA-ի տարածած հայտարարությունում: Հիշեցնենք, որ դրանք ներառում են շփման գծից դիպուկահարներին հեռացնելու, այդ հատվածում ԵԱՀԿ-ի Մինսկի խմբի մշտադիտարկողների ներկայությունն ավելացնելու, ինչպես նաև կրակի արձակման վայրը որոշող հատուկ համակարգեր տեղադրելու առաջարկներ։
Հայտնի է, որ ղարաբաղա-ադրբեջանական հակամարտ զորքերի շփման գծում իրավիճակի կտրուկ սրումից հետո ANCA-ն ԱՄՆ-ի 50 նահանգներում ակտիվացրել է իր ակտիվիստներին, որոնք ընդհանուր առմամբ մոտ 30.000 նամակ են ուղարկել Սպիտակ տուն, Կոնգրեսի անդամներին, ինչպես նաև՝ ԵԱՀԿ ներկայացուցիչներին:
Սեպտեմբերի 20-ին, ժամը 16:15-ին Հայելի ակումբի հյուրն է Թորգոմ Տեր-Մկրտչյանը
Սեպտեմբերի 20-ին, ժամը 12:00-ին Հայելի ակումբի հյուրն է Նարինե Դիլբարյանը
Սեպտեմբերի 19-ին, ժամը 12:00-ին Հայելի ակումբի հյուրն է Հովհաննես Իշխանյանը
Սեպտեմբերի 19-ին, ժամը 15:00-ին Հայելի ակումբի հյուրն է Խաչիկ Մանուկյանը
Սեպտեմբերի 19-ին, ժամը 16:00-ին Հայելի ակումբի հյուրն է քաղաքագետ Արթուր Մարտիրոսյանը
Սեպտեմբերի 19-ին, ժամը 14:00-ին Հայելի ակումբի հյուրն է Միկա Բադալյանը
Սեպտեմբերի 19-ին, ժամը 13:00-ին Հայելի ակումբի հյուրն է Նաիրա Զոհրաբյանը
Սեպտեմբերի 18-ին՝ ժամը 14։00-ին, Հայելի ակումբի հյուրն է Ձյունիկ Աղաջանյանը
Սեպտեմբերի 18-ին՝ ժամը 12։00-ին, Հայելի ակումբի հյուրն է Արմենուհի Կյուրեղյանը
Սեպտեմբերի 18-ին՝ ժամը 11։00-ին, Հայելի ակումբի հյուրն է Երվանդ Բոզոյանը
Հետևեք մեզ Viber-ում
