Էս ուր ենք հասել,որ մեր վարչապետը հղում է անում Ալիևին. խայտառակություն է.Էդուարդ Շարմազանով

Հարցազրույց ՀՀԿ խոսնակ, ԱԺ նախկին փոխխոսնակ Էդուարդ Շարմազանովի հետ/Մաս Մաս 1-ին/

-Մամուլում գրվեց այն մասին,որ երրորդ նախագահ Սերժ Սարգսյանը մեկնել է Արցախ՝ մասնակցելու որոշ միջոցառումների,բավականին երկար մնաց Արցախում:Հայտնի է,որ Նիկոլ Փաշինյանը նույնպես պետք է մեկներ Արցախ՝մասնակցելու Հայաստանի և Արցախի ԱԱԾ համատեղ նիստին:Արցախի շուրջ վերջին շրջանում բավականին հակասական հայտարարություններ են հնչում,հնարավո՞ր է,որ այնտեղ կայանար հանդիպում Սերժ Սարգսյանի և Նիկոլ Փաշինյանի միջև:

-Նախ այն ժամանակ պետք էր զարմանալ ,եթե Սերժ Սարգսյանը չգնար Արցախ, Սերժ Սարգսյանը Արցախի հերոս է և ծնունդով Արցախից , նորմալ է և տրամաբանական ,որ նա Արցախում է,հանդիպում է Արցախի ղեկավարության ,ժողովրդի հետ,նաև մասնակցում է Վազգեն Սարգսյանի 60 -ամյակին նվիրված պաշտոնական և պետական միջոցառումներին:Ինչ վերաբերում է երրորդ նախագահի և ձեր նշած անձնավորության հանդիպմանը,ապա պետք է ասեմ,որ եթե հանդիպելու լինեին,այսքան ամիսների ընթացքում կհանդիպեին:

-Ես ի նկատի ունեմ այն,որ իշխանության գալուց որոշակի ժամանակ անց հայտարարություններ եղան,թե Արցախի հետ կապված հնարավոր է որոշ խորհրդատվական հանդիպումներ լինենլ,ես այդ կոնկեքստում եմ ասում:

-Փաշինյանին,որ լսեք նա ամեն ինչ գիտի,ինքը կարիք չունի որևէ մեկի հետ հանդիպելու:Հիշու՞մ եք՝Լևոն Տեր-Պետրոսյանի հետ հանդիպեց և ասաց՝ այդ հանդիպմանը Տեր-Պետրոսյանի հետ խոսեցի Արցախի խնդրի մասին ,բայց ոչ մի նոր բան չիմացա,ես ամեն ինչ գիտեի:

-Դուք ձեր մասով ասեք,դուք Փաշինյան-Տեր-Պետրոսյան հարաբերությունների հետ գործ չունեք:

-Խոսքը հարաբերությունների մասին չէ, երկու հարևանուհիների հարաբերությունների մասին չենք խոսում,մենք խոսում ենք պետության ներկա և նախկին ղեկավարների մասին,ովքեր քննարկում են պետական անվտանգության մասին կարևոր հարց:

-Մարտի 1-ի հետ կապված ձեր կարծիքը,գնահատականը ողջ քննության մասին,հատկապես երկրորդ նախագահի հետ կապված:Ես մի քանի անգամ նշել եմ,դուք ծանր ժառանգություն չեք թողել Փաշինյանի ուսերին,երբ ասում եք Նիկոլ Փաշինյանը ծանր դատավարություն է անում,կարելի՞ էր 10 տարվա ընթացքում հարցը փակել,այնպես փակել,որ հանրության մեջ հարցեր և կասկածներ չմնային:Ընդունո՞ւմ եք,որ անվստահություն կա այս հարցի հետ կապված,և իշխանությունը չի հասել նրան ,որ դա ավարտուն տեսք ստանա :Եթե ինչ-որ բաներ էլ հիմա Նիկոլ Փաշինյանը անում է,դա ժառանգություն է մնացել ձեզանից:

-Հարցը բաժմաշերտ է :Հիմա հերթով:Հարց համար 1.Ռոբերտ Քոչարյանը քաղաքական բանտարկյա՞լ է,թե ոչ,այո, Ռոբերտ Քոչարյանը քաղաքական բանտարկյալ է:Հարց համար 2. Նիկոլ Փաշինյանը անձնական վրեժխնդրություն է իրականացնում ,այո,Նիկոլ Փաշինյանը իրականացնում է անձնական վրեժխնդրություն:Հարց 3-րդ.ՀՀ-ում դատարանները արդար են,ոչ, վկան՝հայտնի ձայնագրություններն են:Հարց 4-րդ.հասարակության մեջ հարցեր կա՞ն,թե՞ չկան,այո,հասարակության մեջ հարցեր կան,բայց դրա պատճառներից մեկը նաև այն ֆեյք լուրերն էին,որոնք 10 տարի շարունակ մամուլը,համացանցը գրում էր:Հարց 5-րդ.Դատավարություն եղել է ,թե ոչ.դատավարություն եղել է և համապատասխան մարդիկ ՀՀ դատական օրեսնգրքի հիման վրա դատապարտվել են,հետագայում եղել է համաներում:Հիմա ինչ կատարվում է Մարտի 1-ի գործով, կանկրետ ասել՝Փաշինյանի,Տեր-Պետրոսյանի կողմնակիցները,տարիներ շարունակ ինչ են ասել մեր ժողովրդին,ասել են՝Ռոբերտ Քոչարյանի և Սերժ Սարգսյանի իշխանության շրջանում հնարավոր չէր բացահայտել,որովհետև Հանրապետական իշխանությունը կոծկում է Մարտի 1-ը:10 տարի շարունակ մենք ենք եղել,եղել է դատավարություն,ավարտվել է:Շուրջ 1 տարի է Նիկոլ Փաշինյանն է իշխանության և ինքն էլ հայտարարել է ,որ Մարտի 1-ը բացահայտված է: Առ այսօր Մարտի 1-ի հետ ,10 զոհերի հետ կապված որևէ մեղադրանք առաջադրված չէ:Նիկոլ Փաշինյանը և նրա իշխանությունը շարունակում են խաղալ Մարտի 1-ի զոհերի և հասարակության նուրբ էմոցիաների հետ :Այն մեղադրանքները ,որոնք հնչեցնում էին նախկին իշխանության հասցեին,կրկնեմ ՝10 զոհերի հետ կապված որևէ մեկին մեղադրանք առաջադրված չի:

-Այդ հարցը կարելի է նաև ձեզ տալ,ինչո՞ւ 10 զոհերի հետ կապված հարցը վերջանական փակված չէ,որ հանրությունն էլ բավարաված լիներ,որ ով է հրաման տվել ,ով է կրակել:Ինչո՞ւ պետք է մինչ օրս դա մնար օրակարգում և ինչպես դուք եք ասում Նիկոլ Փաշինյանն էլ դա շահարկեր:

-Ես բարձր են գնահատում ձեր վերաբերմունքը իմ անձի հնարավորությունների հանդեպ, բայց ես Հայաստանի միանձնյա կառավարիչը , դատական իշխանության կառավարիչը չեմ եղել:Ես եղել եմ ու կամ քաղաքական գործիչ ,եղել եմ օրենսդիր իշխանության երկրորդ դեմքը, Մարտի 1-ի հետ կապված՝սկսած 2008-ի մարտի 3-ից առ այսօր արել եմ բացառապես քաղաքական հայտարարություններ և իմ հայտարարությունները ,ի տարբերություն շատերի,փոփոխության չեն ենթարկվել:Եվ այն ժամանակ,և այսօր ասել եմ ու կասեմ՝Մարտի 1-ի քաղաքական պատասխանատուն Լևոն Տեր-Պետրոսյանն ու նրա քաղաքական թիմն են:Բաց է մնացել,փակ է մնացել,դիմեք իրավապահ մարմիններին: Հիմա Նիկոլ Փաշինյանը եկել է իշխանության ,թող բացի:

-Դուք էլ բացեիք,10 տարի եղել եք իշխանության:Ինչո՞ւ մնար անպատասխան,որ Նիկոլ Փաշինյանն էլ այսօր շահարկեր:Այդ հարցը ճիշտ չի ձեզ ուղղե՞լ,ձեր թիմին,դատական իշխանությունն էլ ինչպես ասում են ձեր ազդեցության տակ էր:

- Ոնց որ ես ձեզ հարցնեմ լրատվական,սպորտային թողարկումներից,կամ սպորտային առաջնությունից:Մեր թիմը իր գնահատականը հնչեցրել է:Մեր իշխանության օրոք դատական գործընթաց եղել է ,մարդիկ դատապարտվել են:Հիմա Փաշինյանն ու իր կոմնակիցները ասում էին՝Սերժ Սարգսյանի իշխանությունը կոծկում է Մարտի 1-ը,մենք կբացահայտենք,ինքը եկավ,օգոստոսի 17-ին հայտարարեց,որ Մարտի 1-ը բացահայտված է:Ես ձեզ հարց եմ տալիս,պարոն Փաշինյան,10 զոհերի հետ կապված ու՞մ է առաջադրվել որևէ մեղադրանք:Որևէ մեկին չի առաջադրվել և այսօր էլ Ռոբերտ Քոչարյանը քաղաքական բանտարկյալ է :

-Ասում է գլխավոր մեղավորը ,ով պատասխանատու է,այսօր կալանավորված է,ձեր բոլոր պահանջները բավարարված են:Հանրությունն էլ դա ողջունում է:Ասում է՝այդ ես չեմ նշանակել մեղավոր,10 տարի դուք եք նշանակել մեղավոր, մամուլն էլ է ասել:

-Մենք չենք ապրում նախնադարյան հասարակության ժամանակաշրջանում,որ իշխանությունը և գործող վարչապետը մանիպուլացիայի ենթարկի կամ ամեն ինչ գցի ժողովրդի կամ կներեք ամբոխահաճո հայտարարությունների վրա:Ինքը պատասխանատու է,հայտարություն արել է,թող բարի լինի հստակ գնահատական հնչեցնի:Ասել է՝ Մարտի 1-ը բացահայտված է,այն բացահայտված չէ,հրապարակային որևէ նոր բան չկա,10 զոհերի հետ կապված որևէ մեկին մեղադրանք առաջադրված չէ՝ոչ Քոչարյանին,որ նախկին իշխանություններին:

-Որ ասում է հանրությունը մեղավոր է նշանակել,դուք ասացիք,որ 10 տարի շարունակ,Նիկոլ Փաշինյանն ու Լևոն Տեր-Պետրոսյանը ասել են,որ այս հանցագործ իշխանությունները դա կոծկել են, 10 տարի ամեն ինչ ուղղվել է դեպի Սերժ Սարգսյան և Ռոբերտ Քոչարյան:Գիտենք հիմա մամուլի վրա ինչ մեծ ազդեցություն ունի իշխանությունը:Այդ մամուլն էր տևական ժամանակ ինչ-որ իմաստով մեղավոր նշանակում Քոչարյանին,այն է ,որ նա ունի աստղաբաշխական գումար:Դուք այս իմաստով չեք օգնե՞լ ,աջակցե՞լ,որ այսօր Նիկոլ Փաշինյանը հանգիստ ասի՝գիտեք,իրենց մամուլն էլ էր ասում,իրենք էլ էին ասում:

-Դուք ինձ վերագրում եք բաներ,որ ես չեմ ասել,ես ինչ ասել եմ ,իմ ասածի տերն եմ եղել,կամ ու կլինեմ:Ես 2008-ի մարտին ասել եմ,որ պատասխանատուն Տեր-Պետրոսյանն է,և նրա քաղաքական թիմը:2019 թվականի մարտին նույն բանը կրկնում եմ:Մնացած հարցերը հրապարակային գործիչներին:Ես դատական իշխանության ներկայացուցիչ չեմ,ես տալիս եմ քաղաքական գնահատական,և իմ գնահատականը և այն ժամանակ և այսօր չի փոխվել:Նիկոլ Փաշինյանը ստել է ,մանիպուլացիայի է ենթարկել իր քաղաքական թիմի հետ:

-Այն ժամանակ ,երբ ասում էին նման ունեցվածք ունի,կարո՞ղ էիք չէ ասել,դա հերյուրանք է,դա սուտ է:Չլսվե՞ց չէ նման պատասխան այն ժամանակ:

-Քաղաքական առումով բոլոր հարցերի պատասխանները հստակ տրվել է ,կարող է մեկին բավարարի,մեկին՝չբավարարի,դա էլ հարց է:Բայց բոլոր քաղաքական և իրավական գործընթացների հետ կապված ,նույն գնահատականը հստակ տրվել է և կրկնում եմ,այսօր էլ Հայաստանի քաղաքական դաշտում ,Հանրապետական կուսակցությունը միակ կուսակցությունն է ,որ Ռոբերտ Քոչարյանին հայտարարել է քաղաքական բանտարկյալ:

-Հայտարարությունը այո,բայց դատապարտեց նաև ՀՅԴ-ն:

-Դատապարտելը մի բան է,քաղաքական բանտարկյալ հայտարարելը ՝այլ բան:

-Օպտիմալացման հետ ակպված հարցին շատ ակտիվ անդրադառնում եք:Տեսեք,թե ինչ փաստարկ են բերեում,որ այս ծրագիրը կար նախկին իշխանությունների կողմից,Կարեն Կարապետյանն էր մշակել,նաև կուլիսային խոսակցություն կա,որ Սերժ Սարգսյանը հետ էր պահում սոցիալական վիճակը հաշվի առնելով,որ կարող է բերել ցնցումների :Դրա անհրաժեշտությունը կա՞ր,թե՞ չկար:Իշխանության նեկայացուցիչը հայտարարեց,թե դե գիտեք ինչ կա,10 000 շարիկ գլորողներ էին,հիմա այդ 10000 շարիկ գլորողներին ուղարկում ենք տուն:Դուք շարիկ գլորողների՞ էիք պահում:

-Չեմ կարծում,որ հիմա պետք է գնահատական տամ ինչպիսի քաղաքականություն ենք մենք վարել,լավ,թե վատ:Մեր սխալը կայանում է նրանում, որ մենք փոխարենը Փաշինյանի խոստումը Փաշինյանի իրականացրածը իրար համադրենք,ասում ենք դե իրենք էլ էին ուզում:Իրենք ինչ էին ուզում,ինչ ծրագիր էին ուզում,դա անցյալում է:Կոնկրետ Փաշինյանը,հեղաշրջման ժամանակ,օպտիմալացման մասին չի խոսել,հակառակը կանգնել ասել է,դուք ոնց ինձ ասեք,այդպես կլինի:Ես հրապարակից չեմ լսել,որ որևէ մեկը պահանջեր Փաշինյանից,որ կրճատում աներ:Հակառակը,Փաշինյանը հրապարկում ապրիլի 19-ին ,փաստերով եմ ասում,հայտարարեց,որ երբ ինքը գա իշխանության,պետական աշխատողների աշխատավարձը պետք է բարձրանա,ոստիկանինը պետք է բարձրանա,և այդ մարդիկ այլևս ստիպված չեն լինելու շաբաթ կիրակի օրերին բետոն թափել:Հիմա Փաշինյանին ասեմ,որ մարդկանցից շատերը արդեն ոչ թե շաբաթ կիրակի են բետոն թափում,այլ երկուշաբթիից կիրակի են բետոն թափում,որովհետև իր ապաշնորհ քաղաքականության արդյունքում դրանց մի մասը արդեն դառնում է գործազուրկ,իսկ մնացած մասի աշխատավարձը չի բարձրացել:Շարիկ գլորողների մասին ասեմ,որ դա առնվազն անհարգալից վերաբերմունք է ՀՀ քաղքացիների նկատմամբ, և սա հերթական մեծամտական գոռոզ ,անթույլատրելի և անլուրջ հայտարարություն է:Շարիկ գլորողներին թող իրենց շրջապատում ման գան: Ով ինչքան բարեկամ,շարիկ գլորող է ունեցել,տարել են պառլամենտ են լցրել,որ պառլամենը շնորհք էլ չունեցավ Վազգեն Սարգսյանի 20-ամյակի առթիվ շնորհավորել Սպարապետին ու իր ազգին:Շարիկ գլորողները այնտեղ են,որ չֆայմեցին,որ Եռաբլուր գնան,շարիկ գլորողը իր շրջապատում է,որ խորհրդականները…

-Նա գնաց…

-Ուր գնաց,վարչապետը ո՞ւր է գնացել,նույնիսկ լայվ էր չի մտել,շնորհավորական ուղերձ էլ չի հղել Վազգեն Սարգսյանի 60-ամյակի առթիվ:Ալիևի հետ Դուշամբեում հանդիպում է Նիկոլը,միանգամից լայվ է մտնում ,ասում է ՝ժողովուրդ ջան, Ալիևը իմ վրա թողել է նորմալ և կիրթ մարդու տպավորություն: Վազգեն Սարգսյանի 60 –ամյակի առթիվ,մի մարդ ,ով Հայոց բանակի հիմնադիրն է, առաջին Պաշտպանության նախարարն է,Արցախի և Հայաստանի հերոս է,մի ուղերձի էլ չարժանացրեց:

-Բազմաթիվ միջոցառումներ կային :

-Վազգեն Սարգսյանն է,ձեռքի հետ անձնավորություն չէր,որ բազմաթիվ միջոցառումներ լինեն, ամենաանկապ սելֆի անելու,ծաղիկներ բաժանելու,սրան նրան գիրք նվիրելու փոխարեն…

-Մարդը պարզ կենցաղով է ապրում,ասում է անջրպետ չկա իմ ու ժողովրդի մեջ:

-Մի քիչ սպասեք,կտեսնենք:

-Վերջին հայտարարության մասին ձեր տպավորությունը ,հիմա կարող եք մեղադրել,ասել զիջողական քաղաքակնություն է,դրա պատասխանը Նիկոլ Փաշինյանը հստակ տվեց Գերմանիայում,չկա այդպիսի բան:Ինչո՞ւ է շարունակվում մեղադրանքների տարափը:

-Մայիսի 1-ին ԱԺ-ում հայտարարել եմ,որ Նիկոլ Փաշինյանը չի կարող լինել հիմնական բանակցող ղարաբաղյան հիմնահարցում և չի կարող գերագույն գլխավոր հրամանատար:Ոչ թե ես չեմ ուզում,այլ ինքը պատրաստ չի:

-Դա ձեր գնահատականն է:

-Դրան հաջորդեց,որովհետև դիվանագիտությունը ,Օպերային և Հանրապետության հրապարակի միտինգները չեն,որ ինքը դուխով խոսի ժողովուրդն էլ շախ տա ասի,վախ մեռնեմ մեր վարչապետի ջանին,պորտը տեղը դրեց:Դիվանագիտությունը լուրջ գիտություն է,արվեստ,պիտի քարը քարի վրա դնելով հասնել ինչ-որ բանի:Մեր իշխանությունը Փաշինյանին ժառանգել է Սանկտ-Պետերբուրգ,Վիեննա ,Ժնև հայանպաստ գործընթաց ու հայտարարություն: Նիկոլ Փաշինյանից հետո մենք լսեցինք Միլզի հայտարարությունը,ԱՄՆ-ի դեսպանը ասաց խաղաղություն տարածքների դիմաց,Փաշինյանն էլ ձեռքի հետ ասաց՝դե հեռացող դեսպանի հայտարարություն է:Շատ լավ հասկանում ենք,որ ԱՄՆ դեսպանի հայտարարությունը,որևէ երկրում չի կարող ընկալվել այդ երկրի կամ վարչապետի կողմից հեռացող դեսպանի հայտարարություն:Սա խոսեց Փաշինյանի կամ մեծամտության կամ անլրջության մասին:Բոլթոնը եկավ Հայաստան,Նիկոլի հետ հանդիպեց, հետագայում եղավ Բոլթոնի ոչ հայանպաստ հայտարարությունը,որտեղ ասաց,որ Հայաստանը և հայ ժողովուրդը պետք է հրաժարվեն իրենց պատմական կաղապարներից:Երբ պառլամենտում այդ հարցի մասին խոսեցինք,Նիկոլը Փաշինյան ԱԺ ամբիոնից ասաց,որ ժամանակը կգա և կերևա,որ սա հայանպաստա հայտարարություն է:Ալիևն ու Էրդողանը միացյալ շքերթ կազմակերպեցին,ասացին,ժողովուրդ,պարոն Փաշինյան,վարչապետ ես հերիք է մարդկանց հետևից ընկնես,ազգը սևերի և սպիտակների բաժանես,հեղափոխական և հակահեղափոխական ման գաս,ազգը միավորի:Ինքը գնաց Ռոբերտ Քոչարյանին ձերբակալեց,մեզ անվանեց հակահեղափոխական,սև-սպիտակի բաժանում արեց,այն դեպքում,երբ Էրդողանն ու Ալիևը միավորվեցին: Դեկտեմբերի 17-ին կառավարության նիստին Ալիևը ինչ ասես ասաց,մեր մոտից լռում էին: Նրանք խոսում էին Արցախը ետ վերադարձնելու մասին,Նիկոլ Փաշինյանը Ալիևին ասում էր կիրթ և նորմալ անձանավորություն:Ամենակարևորը՝փաստերով,զգացմունքներ,անձեր մոռանում ենք:Մեր օրոք եղել է հինգ համանախագահ երկրների ղեկավարների՝ Սարկոզի-Պուտին- Օբամա,Սարկոզի- Օբամա Մեդվեդև,Օլանդ -Օբամա -Պուտին և էլի երկուսը,հինգ նման հայատարարություն , որտեղ Արցախի ինքնորոշման իրավունքի իրացումը հստակ նշված է եղել:Ավելին՝Արցախի ապրիլյան պատերազմից հետո մենք ուժեղացրեցինք մեր դիրքորոշումը,դրա հետևանքնով հրապարակ եկավ Ժնև, Սանկտ -Պետերբուրգ ,Վիեննա :Ի պատասխան դրա Դիլիջանում մեր աշխարհահռչակ վարչապետ Նիկոլ Փաշինյանը հայտարարեց ՝ դե Ադրբեջանն ասում է ,որ Վիեննա ,Սանտ- Պետերբուրգ նման պայմանվաորվածություն չկա: Էս ուր ենք հասել,որ մեր վարչապետը հղում է անում Ալիևին:Սա խայտառակություն է:Շավարշ Քոչարյանն ու Զոհրաբ Մնացականայնը փորձեցին սվաղել,բայց արդեն ուշ էր:Եվ ամենակարևորը՝ապրիլյան պատերազմից հետո,ռուս համանախագահ Յուրի Մերզլյակովը ,համանախագահների անունից երևանյան մամուլի ասուլիսի ժամանակ,հայտարարեց,որ բանակցությունների վերջնական փուլում Արցախը պետք է անշուշտ մասնակցի բանակցություններին:Սա եղել է մեր ժառանգությունը:Ես պատմաբան եմ,ամեն ինչ փաստերով եմ ասում,կարող եք բացել նայել:Այսօր մենք առաջին անգամ ունենք համանախագահների հայտարարություն,որը Ադրբեջանը ողջունում է,իսկ Հայսատանը անատամ ասում է՝դե հայտարարություն է:Լևոն Տեր-Պետրոսյանից հետո համանախագահների հայտարարություն չի եղել,որը մեր իշխանությունը բացասական գնահատական տա,և Ադրբեջանը ողջունի:Ես չեմ ուզում ոչ թերագնահատել,ոչ էլ գերագնահատել այս հայտարարության կարևորությունը:Սա արդյունքն է Նիկոլ Փաշինայնի ոչ լուրջ,շտապողական ու ոչ պրոֆեսոինալ քաղաքականության:Սրա ողջ պատասխանատուն Նիկոլ Փաշինյանն է ու իր ոչ պրոֆեսիոնալ իշխանությունը:

-Հերթով գանք.ասում ենք այս ենք թողել,այն,թողել էիք նաև ապրիլյան պատերազմի հետևանքներ,կորցրած տարածքներ:

-Չկա նման բան,ապրիլյան պատերազմը մենք հաղթե՞լ ենք,թե՞ չենք հաղթել:

-Կորուստ ունեցե՞լ ենք,թե՞ չենք ունեցել:

-Առաջին պատերազմը հաղթել ենք,թե չէ,կուուստ ունե՞ցել ենք.Շահումյանը,Գետաշենը,Մարտունաշենը, Արծվաշենը կորցրել ենք: Բա ինչո՞ւ եք ասում 1994 թվականին պատերազմը հաղթել ենք: Առաջին պատերազմում այս տարածքները կորցրել ենք…

-Համենայնդեպս 1994 թվականի զինադադարից հետո առաջին կորուստն էր,որ ունեցել ենք,դիվանագիտորեն կարողացել ենք պահել…

- Ապրիլյան պատերազմը Հայաստանը և Արցախը հաղթել են,Ադրբեջանը որևէ տարածք չի կարողացել նվաճել և Ադրբեջանի իշխանության բլից կրիգը և հարձակունը Արցախի վրա կանխվել է:Ադրբեջանը չկարողացավ ապրիլյանից հետ իր համար բանակցային գործընթացում որևէ նպաստավոր դիրք ունենալ,հակառակը՝ ապրիլյան պատերազմից հետո ՀՀ-ն ավելի կոշտացրեց իր դիրքորոշումը և նպաստավոր դիրքում հայտնվեց:

-Այո,Սանկտ-Պետոերբուրգ ,նման պայմանավորվածություններ եղան,բայց դրան գումարած ասում են 800 հեկտար:Փա՞ստ է չէ,որ չկա այդ 800 հեկտարը:

-Բանակցային գործընթացում Հայաստանի դիրքերը ուժեղացել են,Ադրբեջանը որևէ լուրջ հաջողության չի հասել, մի կրկնեք այն,ինչ ասում է Ադրբեջանի իշխանությունը:

Շարունակությունն՝այստեղ

Հարցազրույցը՝Նաիրա Բաղդասարյանի