Ալիևի կողմից փողերի լվացման բերումով հայտնի Mossack Fonseca-ի տվյալների բազան կոտրել են հաքերները

Պանամական Mossack Fonseca իրավաբանական ընկերության համահիմնադիր, փաստաբան Ռամոն Ֆոնսեկան հայտնել է, որ ընկերության գործունեության վերաբերյալ փաստաթղթերը ձեռք են բերվել հաքերային հարձակման հետևանքով, այլ ոչ թե տրամադրվել են ընկերության աշխատակիցների կողմից, փոխանցում է ՏԱՍՍ գործակալությունը։ Ֆոնսեկան նշել է, որ արդեն դիմում է գրել Պանամայի դատախազություն` փաստաթղթերի գողության փաստի առնչությամբ։ Փաստաբանը նշել է նաև, որ իր ընկերությունը «երբեք չի զբաղվել որևէ փաստաբանական փաստաթղթերի ոչնչացմամբ, չի խախտել օրենքները, չի օգնել խուսափել հարկերից կամ փողերի լվացման հարցում և իր ամբողջ աշխատանքը եղել է օրինական»։ Ֆոնսեկան նշել է, որ հաքերային հարձակումը կատարվել է արտասահմանյան սերվերներից։