Սամվել Ալեքսանյանին, աղջկան, հիմա էլ Մանվել Բադեյանին
Կառավարությունը մտադիր է ներմուծման մաքստուրքից ազատել «Եվրոստան-ույուտ» սահմանափակ պատասխանատվությամբ ընկերությանը՝ ջերմա և ձայնամեկուսիչ կոնստրուկցիաների արտադրության մեջ ներմուծվող ապրանքներն համար ։ Ապրանքները չեն ներմուծվում ԵԱՏՄ անդամ-երկրներից, քանի որ չեն բավարարում ընկերության տեխնիկական պահանջներին։ Խոսքը շուրջ 5 մլրդ 890 մլն դրամ արժողությամբ ալյումինե համաձուլվածքից պրոֆիլներ, դռների և պատուհանների համար նախատեսված ամրակային դետալների մասին է, որոնց համար, ընկերությունը երրորդ երկրից ներմուծելու դեպքում բարձր տուրք մուծեր։ Կառավարության մարտի 21-ի նիստի օրակարգում ընդգրկված նախագծի համաձայն՝ նախատեսվում է բավարարել «Եվրոստան-ույուտ» սահմանափակ պատասխանատվությամբ ընկերության կողմից ներկայացված հայտը՝ գերակա ոլորտում իրականացվող ներդրումային ծրագրի շրջանակներում ներմուծված տեխնոլոգիական սարքավորումները, դրանց բաղկացուցիչ ու համալրող մասերը, հումքը և (կամ) նյութերը ներմուծման մաքսատուրքից ազատման արտոնությունից օգտվելու վերաբերյալ։ Նախատեսվում է սահմանված կարգով կիրառել համապատասխան արտոնությունը` տեխնոլոգիական սարքավորումների, դրանց բաղկացուցիչ ու համալրող մասերի, հումքի և (կամ) նյութերի նկատմամբ: Ըստ ներկայացված հիմնավորման՝ արտոնության առկայությունը լուրջ խթան կհանդիսանա նոր ներդրումային ծրագրերի իրականացման և որպես հետևանք նոր աշխատատեղերի ստեղծման, ներդրումների ներգրավման, տեղական արտադրության և արտահանման խթանման համար: Նշենք, որ«Եվրոստան ույուտ» ընկերության տերը նախկին ՀՀԿ-ական պատգամավոր, Իրաքում ՀՀ արտակարգ և լիազոր դեսպան Մանվել Բադեյանն է : Նա համարվոում էր նախկին իշխանության և նախկին նախագահի սիրելի կադերից մեկը։ Մանվել Բադեյանին թերևս հաջողվել է լեզու գտնել նաև ներկաների հետ։ Նրա ընկերությունը զբաղվում է եվրոդռների և եվրոպատուհանների արտադրությամբ: Ընդհանրապես նախկին օրդիոզ օլիգարխները, ովքեր ժամանակին տեղավորվել էին Սերժ ՍԱրգսյանի թևի տակ, շատ սահուն անցում կատարեցին դեպի Փաշինյանի իշխանություն և, կյանքը ցույց է տալիս, որ կարողանում են լուծել սեփական խնդիրները: Հիշեցնենք, որ վերջերս հարկային մեծ արտոնություն էին ստացել նաև նախկին պատգամավոր, գործարար Սամվել Ալեքսանյանի և նրա դստեր ընկերությունները: Հայկ Դավթյան